بنت جيرانا .. انضربت من زوجها لدرجة القتل .. ساعدونا في تقرير لشرطة

السلام عليكم ورحمة الله

القصة بإختصار
لا أعرف من اي أبدأ لكن .. هي بنت جيرانا وأقرب من الأخت لي
قبل ثلاث أيام رجعت من الرياض وهي مطروده من بيت زوجها ,, ما اكتفى بطردها لا ..
الا طقها طق مب طبيعي لدرجة اخذ طرف المسدس وقعد يضرب فيها لين ماصار عندها كسر في ذراعها وقالها انا طالع واذا رجعت البيت ولقيتك موجوده والله لآذبحك ..


أسرد القصه من أولها ..
بنت جيرانا متزوجة صار لها 20 سنة بالرياض والحمدلله ربي رزقها بالذرية اولاد وبنات
أكبر اولادها عمره الحين 17 سنة وأصغر أطفالها عمرها الأن 4 سنوات

قصتها تبدأ
شهادتي فيها مجروحه لو احكي عن أدبها وأخلاقها واحترامها لآهل الزوج
كانت معاناتها ابتدأت مع أم زوجها ومن ثم توفت استلمتها أخت الزوج , تتدخل بشكل مب طبيعي في حياتها وتربيتها لعيالها .. وضعها المادي صديقتي جدا سيئ ف لما تجي اخت الزوج تعطيهم فلوس او تساعدهم تتحكم بشكل مب طبيعي في اخوها بما انها تساعده بالفلوس ..

الزوج كان موظف واخذ تقاعد مبكر .. راتبه يالله ع قده وللأسف راتبه مب لبيته راتبه لشرب .. كل خميس وجمعة قاعد بالمجلس مقفل ع نفسه ويشرب ..
تقول صديقتي دعيت ربي كثير الله يهديه لكن مثل ماهو .. اذا شارب يناديني عنده يقول تعالي ويسمعني كلام وسخ مافي اوسخ منه ويتوعد ويخلص او يجي احيانا وهو شارب يقولي كلام مافي احسن منها
تعبت منه ..
فكرت كثير أطلق لكن افكر بالعيال الي مالي بيت ثاني اوديهم فيه ؟
في مره من المرات كان شارب .. وقالها كلمه وسخه على شرفها ردت عليه بنفس الجمله .. ضربها ضرب مب طبيعي حتى لما رسلت لي صورتها والله توقعت انها تبالغ من كثر الدم والألوان الي بوجها ..
وكأنه ما صار شيء بالنسبة لها .. عاشت حياتها ما اعرف كيف ؟؟

طبعا الزوج بعد سنوات العناء والتقاعد المبكر والراتب الي كان يجي من التقاعد 2800 ريال يصرفه على لهوه ..,, تقول صديقتي اصلي قيام سجود ان ربي يرزقه وظيفه ويريحنا والحمدلله صار له سنتين توظف براتب 7000 .. تحلف غير مصروف البيت يشتري هو بنفسه ما نشوف منه ولا شيء ,, والى الأأن مستمر ع الشرب ,,
المشكله طلعت .. لما هي قدمت ع التوظيف .. صديقتي متخرجة من الجامعة من 15 سنة وبفضل اهل الخير طلعت لها وظيفه معلمه في الرياض .. او ما عرف انهبل انجن كيف وكيف ,.,. هو مب معترض ع فكرة الشغل .. لا .. لآن لما يكون رايق يقولها قدمي واشتغلي بس .؟
دايم يقول لها انتي حرام يجي بيدك فلوس ؟؟ طبعا هو معذبها كثير .. مغازله و شرب و اسلوب الحيوانات يتعامل معها غير كذا ما يصرف .. يعني عللله ؟
ف تكلمت مع عيالها قالت انا ابي اتوظف عشان اصرف عليكم .. انتو شايفين كيف وضعنا وو ؟
العمه .. اخت الزوج حكت مع الولد الكبير وقامت تسب امه ؟ قالها لا تسبين أمي لآنها تبي تتوظف عشان تصرف علينا ..
طبعا كلمت اخوها .. وقالت له السالفه اول ما قفل زي ما قلت بالبدايه ضربها وشوي يذبحها مقهور كيف تقول كذا لعيالها ؟؟
صديقتي سوت عملية ل يدها الصباح لان صار كسر عميق وحطوا لها اسياخ .؟
الحين لو قالت وقت التقرير الطبي انها مضروبه ؟؟ هل بيطلبون الزوج ؟؟؟؟؟؟؟؟؟
لانها ما تبي الشرطة وذا الحكي يتدخلون ؟؟
حاولت فيها عجزت افهمها ؟؟ انها بس تسوي تقرير لان زوجها حقير لا سمح الله ممكن يطلع منه اي شيء ولا تقدمين التقرير الا اذا سوا لك شيء ؟؟

بنات في احد سمع بالعنف الأسري في مواضيع زي كذا وايش كان الحل ؟؟