بنت خالتي

بنات بدخل طوالي بالموضوع رحت خطوبة بنت خالتي وهناك شفت بنت خالتي اليي من خالتي الثانيه وبالخطوبه ما تبقى تسلم علي سلمت برووس اصابعها وناظرت لي طول الخطوبة بنظرات غريبة واحتقار جيت قلت لأمي علامها وش فيها قالت امي اتركيها

هي متزوجه وتركتها ها المرة قلت مير في مشكلة عندها هي متزوجه وعندها 4 اولاد وانا بالخطوبة جت شدت يدي قلتلها وش فيك وبعد قامت تصرخ علي قلتلها ليه تصرخين حنا بمناسبة وقرايب وانتي بحسبة اختي لا تفشلينا لكن ما نفع بعدت عنها وامي وخالتي شافوها كلموها قالت تمزح؟؟

وتركتها تمزح وتصرخ ذا الصراخ بالخطوبة كانت بقاعة وقدام 200 حرمة .




خلصت دراستي بالثانويه انا وجت الأجازة الكبيرة وبعد زواج بنت خالتي جت نفس البنت بنتي خالتي الثانية وناظرت لي باحتقار وما سلمت وقالت ما ابقى اسلم عليك قلتلها لا تسلمين وش حادك الله معك وجت قدام خالتي اللي هي امها وسلمت برووس اصابعها وسحبت يدها وانا قهرتني ها الحركة .

طبعا بعد شهرين زرت بنت خالتي اللي تزوجت وبعدها رحت اسلم على جدتي وخالي وهي جت بنت خالتي 2 اللي تتخانق معي وناظرت لي بعين كاني اكله حلالها وتعيب بشعري وبلوني ووجهي وانا اتركها وتقول لي ما صرتي عجيز لأنك ما تزوجتي وانا قلت لها العجيز اللي تعيب بنات خلق الله وقرايبها .

القصة وما فيها انا اكره اسلوبها ومعاملتها الزفته خصوصا انها كبيرة وعمرها 39 سنه وحاطه راسها براسي وانا صغيرة توي 20 وش قصدها بالزواج ما هي بصاحيه شكلها ؟؟

وبعدها تقول انه انا متزوجه ومخبيه على عيلتنا وعلى جدي وهم شايفيني مع زوجي بمجمع ويحلفون من اليوم لا بكره وعلى القران وانا اتعجب من الكذب قلت شبهتوا علي يمكن ؟؟؟؟ وانا اساسا بالبيت جالسة ومع أهلي وابوي يقول ذول ماهم صاحيين تركوهم احسن وانا تركتهم ومع هذا جت واصرت انه متزوجه ومخبيه عليهم قلت لها انا بديرة وانتي بديرة وماني بسالمة منك .




انا بحائل وهي بالرياض قلة ادب فيها وبعدها تركتها وما عطيتها وجه وقلت لها الله يسامحك .

وقسمن بالله ماني متزوجه احد وما خطبني أحد وجالسة تناقرني بخيالاتها وتركت خالاتي وقلت لجدتي الليا جات هي وخالتي قولي لهم انا ما معي معهم كلام ولا سلام وماني بمحلله احد على هالكلام الفاضي .




ما قهرتني الا انه تقول شافتني مع زوجي بالمجمع وتبعته واشترى لي اغلى فستان وماسك يدي ووتوصف رجال وتقول انه رجلي وتبعتني للمشغل وتأكدت مني وبالأخر اجي واحضر زواج بنت خالتي وقالت للكل المعازيم انه انه متزوجه وشافت رجلي الله لايسامحها هذا كلام ينقال هرجت على الفاضي




وابوي ضحك مع خالي وقالوا لي تركيها شبهت عليك واصرت انك انتي وانا تركتها برأيكم اسلم عليها او تصرفي خطأ انه ما اسلم عليها وحركة السلام برووس الأصابع ليه ؟؟؟