قبل اسبوع ادور حل ومانمت اليل كلة يوم شفت قمل بشعر بنتي لاوخواتها ثنتين كانت صدمة كنت اروشهم دايم ورطب اجسامهم بس مكنت افتش شعرهم المهم صرت ازيتة وحط منشفة بيضااا علي كتوفهم ومشط بمشط الين اشوووف القمل يتساقط ولف الشعر بنايلون مدري وش اسمة حق السندويش بعدين يمرت كم ساعة صبيت الشمبووووطلعت رغوة امشطة بعددد بالمشط صغيرة اسنانة وشطف شعرهم وستشور المهم الزيت الفعال الي نفع هووو زيت السمسم وراح تدعي لي طبعا مع الاستمرار علي هطريقة وتطلع البيوض بيدعهااا الين يخف لاتقول قرف ووع تتحمل الين ينظف

ذكرتينا باختي القعده
كانت باولى ابتدائي وجابت قبل من المدرسه
نامت بفراش وحده من خواتي بعدها قامت اختي اللي اكبر منها تحك راسها
وتقول هالمنطقه اكلتني مادري وش فيها ناظرناها الا صيبان وصارت حالة استنفار بالبيت
كلن يدور براس الثاني
الحمدلله بس طلعت اختي الصغيره والثاني
الصغيره مليانه عشان كذا عرفنا انه هي السبب
الثانيه لا بس جزء بسيط وبسرعه قضينا عليه بدقايق
لانه جزء بس فيه بيض

اختي الصغيره مسكناها وبخينا راسها ببخاخ بارا للقمل من الصيدليه
وجبنا من العطار مشط القمل
سوينا كل ذا بيوم واخد خايفين من ابوي يدري كان يطردنا من البيت ههههه
رشينا راسها بالبخاخ وغطيناه بطاقيه بلاستك
وبعد مامرات المده المطلوبه
غسلناه بالشامبو الخاص كذا مره
بعدها استشورنا شعرها خصله خصله من تحت لفوق
بعهدها رفعنا شعرها كله فوق وبدينا خصله خصله بالمشط نطلع الميت من شعرها

والحمدلله نظف شعرها بيوم واحد والله كان ذاك اليوم استنفار
فراش خواتي الاثنين
شلناه وبخيناه بفليت كله ولفيناه وحطيناه باكياس زباله عشان يموتون مع الغمته
بعدها وديناه المفارش المكيسه للمغسله


بعدها رجع القمل لاختي من المدرسه
عاد هنا طفح الكيييييييل
تعبنا انمرضنا

اتصلت امي على المديره
وقالت ياتغيرون مكان بنتي ياتغيرون مكان البنت اللي مصابه بالقمل
تعبنا مرتين وحنا نكرف راس البنت

والحمدلله غيرت المديره مكان البنتين
وبعدها ماشتكينا من القمل

ماراح يروح القمل الا اذا قطعتيه من المصدر .

لو نامت على وساد وطلع منه ثم رجع لها يوم ثاني ؟ او تروح للمدرسه واهل بعض البنات ما اهتمو بنظافتهم وعلاجهم ؟

اكيد بكل سهولة راح يرجع ,, القمل مخلوق قوي يتحمل صعوبات كثير , وسباح ماهر في الماء , وينط بقوة من راس لراس .

الحل هو الصبر وعلاج الاساس .. لازم المدرسه وامهاتهم يتعاونون لأنه ياخذ وقت وجهد .

الثاني النظافه بالمنزل , تدهن الراس بزيت وتكده بمشط خاص للقمل , فيه شمبوهات خاصه لكنها تجفف الشعر كثير .

واذا تحط حنا يكون افضل بكتمهم ويقتلهم وتعالج الشعر نفسه وتستفيد .

لازم تجرب كذا طريقة وتستمر على العلاج والتمشيط , مو مره مرتين وخلاص خصوصا لو الاصابه شديدة .

والله مصيبة متى ينتهي هالقمل بالمدارس ليش منتشر بهالشكل الفظيع

والله حرام مضطرة مادخل بنتي الروضة خوفا من هالبلا

مع انه بنتي وحيدة وماتشوف اطفال ولا تختلط فيه الا نادرا وضروي الروضة لها بس خايفة من هالبلا
طيب مافي شي شامبو يكون وقاية نستخدمه مايخلي القمل يجي للشعر

تزيته وتجلسها بالشمس
فتره بسيطه