بنت خالتي تقدم لهاا شخص وكيف تقنع اهلهاا ...؟؟؟؟ وابيكم تساعدونهاا بلييييز.

السلام عليكم ورحمه الله وبركاته ،.،.،

ببدأ موضوع ،،، بنت خالتي عمرهاا 21 سنه وفي واحد تقدم لهاا عمره 25 سنه وهو ياي من دون مايدرون اهله ووجا البيت وكلم اهلهاا وقالهم اني ابي البنت و لاني احبهاا ومن هالكلام يعني ،، المهم بنت خالتي تشتغل في اداره حكوميه في دبي و الولد بعد يشتغل معاهاا بس ما يعرفون بعض لانهاا هي مب معاه في نفس الطابق وشغلهم مختلف عن بعض وهو كم مرة شافهاا تركب السيارة وكان احد من اخوانهاا يمر عليهاا وبالصدفه طلع اخو بنت خالتي الي هو ولد خالتي صديق اعز ربع الولد الي خطب بنت خالتي و بعدين الولد راح وكلم اهله واهله من النوع الي مايزوجون عيالهم الا من اصلهم والمهم اهلي الي هم زوج خالتي وخالتي رفضوا وحتى اخوهاا وطلبوا اهلهاا ان يكلم اهله وما يجي البيت مرة ثانيه والا واذا اهله معاه ،، وعاد انتوا تعرفون ان في بعض الاهالي متسلطين على اولادهم وعندهم العادات والتقاليد وللعلم هالريال اهلهاا سألوا عنه والريال ماينعاب واهم شئ انه يصلي ويعرف ربع ويكون الولد محترم اهم من المال وغيرة وحتى الولد قال لهم اذا تبون مرة 100 الف انا بعطيكم و راضي بإلي تطلبونه واهلهاا رفضوا كل هالامور وعند شرط الوحيد انه يجيب اهله ...

وبعد فتره صار الولد و كلم اخته الكبيره واخته موافقه بس اهله يعني الاهم الام والاب مب راضيين وهم عندهم الراي الاخير للاب المتسلط ،، وكلم اهله مرة وحده وثانيه وثالثه وعشر بعد بس ما منهم فايده وبعدين من دون علم الولد راحوا اهل الولد وخطبوا له وحده من اقاربهم وهو لما عرف راح كلم اخو الولد وابو الولد الي خطبوا اهله للولد وقالهم اني ما اقدر اتزوج من بنتكم لاني انا ما احبهاا واحب وحده ثانيه وانا رحت خطبتهاا وكلمتهم وبعد هم راضيين ،، المهم ما ابي اطول الموضوع اكثر واكثر ..

لحين بنت خالتي كلمت ابوهاا وحاولت تقنعه وقالته دام الولد ماينعاب انا ماوفقه عليه لان الاهم الولد يصلي ويعرف ربه بس سالفة الموضوع وخلاصته ان بنت خالتي ماتعرف شو تسوي لانهاا كم مرة كلمت اهلهاا وهم رافضيين يبوون اهله يجيون ...

ممكن تساعدوني وتخبروني بنت خالتي شو تسوي ؟ يعني مثلا ترجع تكلم اهلهاا والا تنسى الموضوع والا انتوا شو رايكم خواتي انا قلتاهاا صلي الاستخارة وشوفي واتكلي ع الله بعد ماتسخيري ...

انتظر رودكم خواتي ..