بنت خالتي خذت مني خطيبي

تكفون يابنات ادعوا لي الله يجبر كسر قلبي ويرزقني بالاحسن ويكفينا شرهم يارب حسبي الله ونعم الوكيل حسبي الله ونعم الوكيل

تحسبي الله عليهم -ثاني شي لاتعلمون الناس انك بتتزوجيني تملكي وخلي زواجك عائلي قبل الزواج بيوم علموا اقاربكم اذا كان وضعكم صعب وناس تخرب وارسلي لها رسايل ذكريها بالله والدنيا ماتسوى والقبر مافيه عباده

ارقامنا مو عند بعض اصلا !
هي عرفت من زوجها الله لايوفقهم وين ماراحوا

انا كنت ناوية اتملك ولا اعزم احد ابد بالعرس وكل شي بسيط مابي الا الستر لكن حسبي الله ونعم الوكيل

صرت احس ان الزواج بالنسبة لي شي مستحيل

لعله خيره لكي لا تحزني

اول شي لازم تكونين مؤمنه ايمان تام ومن الايمان الرضا بقضاء الله وقدره خيره وشره
ثاني شي احمدي الله واشكريه دائماً وابداً واحمديه على كل حال فلعل في الامر خيره لك ودفع اذى وضرر عنك .
ثالث شي في امور حياتك استعيني بالله وتوكلي على الله وارضي بما قسمه الله لك فلن يصيبك الا ماكتبه الله لك
(يا ابن ادم لو اجتمع الانس والجن علي ان يضروك بش لن يضروك الا بشي قد كتبه الله عليك ولو اجتمع الانسوالجن علي ان ينفعوك بشئ لن ينفعوك الا بشئ قد كتبه الله لك رفعت الاقلام وجفت الصحف)
لا كلام فلان ولا فلانه اللي طير عنك الخاطب كل مافي الموضوع انه قسمه ونصيب وهو غير مقسوم من نصيبك .
رابع شي اعملي بـ "استعينوا على قضاء حوائجكم بالكتمان فإن كل ذي نعمة محسود" .. ولا تكونين كتاب مفتوح للناس .
خامس شي وش لك في رجال بايع ومخلص كلمه توديه وكلمه تجيبه ؟!! ومع اطرف بنت تنعرض عليه يروح معها ؟!!
هذا اللي انتي قاهره نفسك عليه وتدعين وتتحسبين عشانه راح لغيرك ؟ هذا لازم تسجدين سجود شكر لله انه صرفه عنك وصرف عنك الاذى والضرر اللي كان راح يجيك منه ومن اهله لو تزوجتيه .
لا تصيرين ساخطه وقانطه ويائسه عشان ماتمت خطوبتك او لانه راح لقريبتك ترى مابينك وبينه شي ولا علاقة حب ولا ارتباط رسمي حقيقي الموضوع كله خطوبة اهل اكشط واربح على ايش تنقهرين وتحرقين في دمك واعصابك ؟؟
كلنا نعرف ان نظام الزواج عندنا كذا وفي ناس يدخلون اكثر من بيت يشوفون بنات وممكن يشوفون خوات بنفس البيت او بنات عم وخال ويختارون بينهم للاسف هذا الشي حاصل حتى لو انكروه وقد صارت عندنا الحرمه تدخل تشوف البنت ثم تطلب باقي البنات وفوقها تطلب رقم اقاربنا اللي عندهم بنات عشان تختار بينهم وتعرضهم على ولدها هذي حقيقه مره لازم تتقبلينها .
انسي اللي صار وقولي الحمدلله على كل حال وحياتك ماتوقف على رجال غريب تعشمتي فيه .
اسأل الله ان يشرح صدرك وييسر امرك وان يعوضك خير ويجبر قلبك وان يسخر لك ملائكة السماوات وجنود الارض وان يسخر لك خيرة خلقه .