من كلامك افهم انها ما اخذته هم راحو خطبوها

وش فيك حسوده للدرجه ذي ؟ طيب مو مشكلتها اذا كانت اجمل منك وعلى فكره عمر اللون ماكان يميز شخص بجماله ، ياكثر السمر الجميلات وياكثر البيض الجميلات العمده على الملامح مو على اللون ؟ اتقي الله وادعي ان الله يوفقها وانتي ماخطبك ودخل عليك عشان تسوين كل هالدراما ترا ولا شافك ولا شيء ! استغفرالله

وعليكم السلام ورحمة الله وبركاته
سبحان الله
رزقها وقسمتها ومكتوب لها مو لك..
لو لك مايتزوجه غيرك ، المقادير مكتوبه قبل تخلق السماوات والارض بخمسين الف سنه
جفت الاقلام ورفعت الصحف !
،
ومن ثم تقولين ليتهم يشوفونها من غير مكياج ، وهذا حسداً من عند نفسك فتنبّهي اختي الغاليه ..
لان بهالمناسبه لا أشك انك طالعة للناس بمكياج !
ثم هي غير جميله ، وفيها.. ، وفيها.. ، وفيها ....الخ
كل البنات اساساً غير جميلات ، وفيهم ...، وفيهم...، وفيهم ...لو نبي نطلع فيهم عيوب !
وما كمل من النساء على وجه الارض الا اربع : ( اسيه ، وسارة ، وفاطمة بنت الرسول - صلى الله عليه وسلم - ، والرابعة نسيت من؟! )
ومن الرجال كمل كثير ، فعلاما هذا الانتقاص من اختك وانتي مو اكمل منها ولا من غيرها ؟
،
اما محبة الناس لها وكونهم يرونها جميلة ، فضل من الله ورزق لها
شرعا من راى شي يعجبه : ليدعوا له بالبركه.
ولو قلتي : اللهم بارك لها وارزقنا من فضلك .
خيراً من أن تحصي على العباد ارزاق ربهم
فاللي عطاها القبول والزواج ، قادر على ان يعطيك ..
،
وحسن الظن بالله مطلوب ..
فمدام هو مو قدرك ، او صُرف عنك ، معرفتك بحكمة خالقك تجعلك تعتقدين قناعة ان انصراف هذا الرجل خير لك .
فالله مقدر لك رزقك ، واذا مكتوب لك تتزوجين حتتتزوجين هذي مجرد اسباب ( بتزوجين اولا ؟ مين هو الزوج اسمه شكله ؟ كله موجود باقدارك ..) وماراح تموت نفس حتى تستوفي رزقها
ماسمعتي عن المعاريس اللي يموتون بطريقهم للعرس ؟؟
كتب لهم الله يعيشون هالليله فعاشوها قبل موتهم
فلا تخافين على رزقك ، ولاتكرهين لاحد نعمة الله عليه واحسني ظنك بخالقك الكريم .
،
واخيراً : قطيعة لرحم من الكبائر ، هي بالضبط : قطعك لرحمة الله عنك .
فافعلي لنفسك ماشئتي .
والرحم تقف اخر الصراط يوم القيامه فاذا كنت قاطعه ، فاي خير ادخرتيه لنفسك يوم الدين بالقطيعه...؟
لمجرد سخطك ان العريس صار لها وليس لك ، بدلا من ان ترضين بقدر الله سواء بانت معك الحكمه او لم تبن !
يقول صلى الله عليه وسلم : ( من سخط فله السخط ومن رضى فله الرضى )
وما المواقف الا ابتلاءات واختبارات ، وانظري حجم المصائب اللي وقعتي فيها وتقع فيها غيرك ايضا من موقف بسيط
(( تكادين )) ان تتزلقين بكثير من الذنوب ومنها كبائر ..لولا ان يسلمك الله ويثبتك .
،
فتخذي امورك بايجابية وتعلمي ياحبيبة قلبي ،العقيدة لتعرفي عن ربك اكثر .. مما يجعل حياتك وتصوراتك اطيب واصوب للحياة.
واعلمي حبيبتي ان اكثر تهاويل الامور ، لان الناس يهتمون بنظر الاخرين لهم واقوالهم ( اهل ، اخوان ، اقارب ...الخ )
ويبعدون عن الحرص على نظر( الرب سبحانه )
فعالجي هذي النقطه حتى لاتجرك لويلات بالمستقبل فالله ينفعك ولايقدر لك الا الخير بدنياك واخرتك
واهلك والناس لاينفعوك الا بما قضاه الله لك ( لو اجتمعت الجن والانس على ان ينفعوك بشي ، لن ينفعوك الا بشي كتبه الله لك ، ولو اجتمعت الانس والجن على ان يضروك لن يضروك الا بشي كتبه الله عليك )