شوفي يالغاليه
الحلبه ثلاث مرات باليوم بالفطور والغداءوالغشاء مو مره وحده بس مقدار ملعقه حلى
مدة 20 يوم الاولات ماتزييييييد عليه


بعدها تستبدل الحلبه بالرشاد 20 يوم الاخيرات نفس طريقة الحلبه


خوذي هذا نظام تبع امي بالنفاس مافيه خرابيط واجده ولا كومت اعشاب حلبه ورشاد ويانسون وحبة البركه...


نظام نفاس اميمتي الله لايحرمني منها يارب
http://forum.hawaaworld.com/showthread.php?t=28989...

وهذا مشروب يومي من ضمن المشروبات الدافيه اللي راح تشربها طوووووول الاربعين

وداعـاً لازمة الكرش ومن آلام شديده للدوره ومنظفه ومنظمه لها
http://forum.hawaaworld.com/showthread.php?t=38947...


الوجبات مو ذي بس طبعا ثلاث وجبات لا
تاكل بين الوجبات اللي تشتهي لاتجووووع اببببد اببببد
تاكل سلطة فواكه او سلطة خضار او خبز توست بر بجبن
او كورن فلكس مهم كورن فلكس مليان اللياف وحديد


بس تبعد نهائياً عن الحامض ليمون برتقال كيوي اي حاجه حامضه لاتقربها ، والشطه ، والفلفل الاخضر الحار واخوانه ، والبارد ، والغازيات
العصاير لازم تدفيهم قبل تشربهم يعني بحرارة الغرفه مافيها بروده المويه زيها تحرص على المويه بس ياليت مو مع الاكل عشان ماتكبر كرشتك تره المويه مع الاكل يكبر الكرش للحاريم والرجال مع الغداء والعشاء تحط كاس عصير او كاس مع صغير لو غصت لاسمحالله 😁


تكثر خضار عشان الالياف زي الخيار و الخس والكل شي يقول انا مليان اللياف تدب فيه لانها تساعد على الهضم وتبعد عنك الامساك
حتى الفواكه ممتااااااز للامساك بس لاتقرب الحامض
التوست البر او اي خبز بر او قرصان تاكلينه الخبز الابيض تمتنعين عنه لانه يسمن وينفخ ماله فايده الابيض غير سد جوع بس يسمن الوحده


الرز والمكرونه تمتنعين عنهم تراهم ززززززززي الخبز الابيض بضبط سد جوع وينفخ الكرش والجسم
حولي اكل صحي حتى لو بكميات كبيره وبستمرار ماراح يسمنونك
الخضار والفواكهه والبر مايسمنووووون ابد ابد ابد
الغداء والعشاء طبعا مادري وش تحبون مرقة لحم حاشي او دجاج مع فلفل اسود او ابيض وتاكلينه مع قرصان يجنننننننن لذيذ حبيته ايام نفاسي بدال اغمس بالخبز اغمس بالقرصان خفيف والذ من الخبز البر
واشرب شوربة كويكر فيها لحم او دجاج تبديل عن المرقه بالايام
عاد تدور الاكلات المفيده اللي مليانه الياف عشان مايجيها امساك وبعد ماتسمن مرررررره زي باقي الحاريم اللي يطلعن من النفاس بس لازم تاكل النفاس اشياء مليانه برووووتين
البروووووتين مهم
اللي باللحم والدجاج وغيره تبحث عن البروتين وين موجود وتحرص عليه


المشروبات الدافيه دام هي صاحيه ماتوقف عن شربهم
يانسون ، قرفه ، حليب بفلفل اسود او ابيض ، زنجبيل ، زعتر ، بابونج ، او اي خلطة اعشاب تسويهم وتشربهم زي اللي فوق بالرابط تنظف رحمها من الدم


اليانسون تحرص عليه كثير تراه يدر الحليب تشربه وهي جالسه ترضع روعه


الدفاء
ماتمشي حافيه دايم عليها شراب ثقال او سليبر شحاطات البيت
السروال الطويل مهم
اكمام
بجايم باكمام مهمه تحرص على التدفيه ولا تتعرض للمكيف مباشره تنتبه واذا تروشت تحرص انها تتنشف زين بالحمام وتلف راسها بالفوطه وياليت ماتدخل غرفه فيها مكيف شغال اذا دخلت تدهن بالغرفه وتتلبس كثار بنات هنا بالتفاس يشتكون من اوجاع باجسامهم واخرتها لفحة برد بالنفاس من اهمال التدفي


الجرح تحت ماحب الارطاء من اللي سوواه ببنت عمتي اللتهبت خيوطها منه
لذا تشتري من الصبدليه مطهر ببتادين محلول بني هذا مطهر يحل بماء ويشطف فيه الجرح
تشتريه من الصيدليه وتشتري حوض للتشطيف تلقين بالصيدليه حوض للكرسي الحمام الفرنجي يعبى مويه دافيه ويصب فيه شري مطهر ويجلس فيه وبيدك تنظفين منطقتك وجرحك عن الدم والاوسخ
بعدها تجففين منطقتك بالمناديل عن المويه تجفيف عدل والجرح يجفف بعدها تحطين على الجرح مرهم ميبو بكمية كبيره وكثيفه لان الفوطه راح تتشرب نصه
وشي ثاني استخدمي خلطة الخواجوا كل ماغيرتي الفوطه استخدميها حطي الخلطه بالفوطه ادهني الفوطه بالخلطه فيه ناس يحطونها على الجرح وناس يدهنون فوطه والجرح فيه ميبو
الخلطه ممتااااازه عن تجربه ماقلتها الا اني مجربتها ..
الخلطه هي
خلطة تساعد على إلتئام خياطة الولادة ..
وتمنع الألتهاب بإذن الله ..

وهي خلطة الخواجوا والمرة ...
المكونات:

كوب زيت زيتون اصلي
+
شوي مره مطحونه وشوي حلتيته كبر الحمصه
+
بيالة خوا وجوا مطحونه
الطريقة :

تخلط المكونات مع بعض ماعدا المرررره والحلتيته
في قدر على نار هادية
ومن ثم يترك ليبرد قليلا
خليه يفتر شووي بعدين ضعي في علبه زجاااج المره والحلتيته ويصب عليه خليط الخواجوا ،
وعند الحاجه يؤخذ بقطنه
ويدهن على الجرح او الشاشه او الفوطه
بعد تعقيمه .

وينفع جميع الجروح
حتى جروح العمليات
والحروق
ويعالج البواسير
وخياطة الولاده بّإذن اللّه تعالى
*ويستخدم بعد الولادة على طول عشان يمنع الشمم رووووووووووووعه للخيوط

منقووول

ونجي بعد للجلسه
اذا كلنت والده طبيعي ومسوين لها توسيع لاتجلس على مقعدها ابد
تجلس على وركها من جنب يعني متركيه على مركى كذا
ولا تجلس على الارض صعبه القومه مارح تقدر تقوم لو قعدت
تجلس زي جلسة الجواري او حورية البحر
او تنسدح على جنب
بس تقعد عادي لاااااا حتى لو تحط تحتها مخاد وكرسي لا
لانه الضغط على الجرح يسبب اللتهاب الجرح مايضغط عليه حتى لو بيدك الجرح الضغط عليه يعور ويسبب اللتهاب وينتفخ مع الجلسه الجرح لازم يكون مرتاح ومتهوي اوقات
لذا لازم تكونين لامه رجولك مو تتربعين
والمشي بخطوات متقاربه ومشي بخفه رياضه نص النفاس لحد ماينخاط الجرح تعرفين الرياضه يشد المنطقه والجرح ماينفع له شد اول وقته لازم يبراء وينخاط بعدين رياضه خفيفه
كذا ماراح يبان خط الجرح بعد مايلتئم ولا راح يكون له اثر ولا يتعبك ويطول


الجلسه
خلطة الخواجوا مع زيت الزيتون
مرهم ميبو
مطهر ببتادين
تهوية المنطقه بعد مايوقف الدم ويصير بس افرازات
الفوط النسائية يكونون قطن فقط
نسيجاف حقات اللويز لاااااااا انتبهي منه


حيبي قطن وياليت سميك وعريضة الفوطه عشان ماتحسين بوجع الخيوط اول ايام النفاس


هذولي بس تحت مهمات لاتغيرين عنهم

شوفي موضوعي ان شاءالله يفيدها

البرتقال يفيد ان شاء الله ما يضر
بالذات الامساك يمنعه بإذن الله
شوفي المستشفى يحطوه لك مع الوجبا

مبرووك ماجابت ، الله يرزقها بره وصلاحه
ما أزيد ع كلام الأخوات ، لكن فيه مداوية شعبية قالت
لأمي أن الصك واللك والعفص والمردود دمااااااااااااااااار للحرمة
فـ نصيحة نصيحة خليها تبعد عنهم نهائياً
اللهم صل وسلم وبارك على نبينا محمد
لاتنسون سورة الكهف + الصلاة على الرسول + ساعة الاستجابة..