بنت خالتي وحياتها

بنات انا ابي اقولكم حال بنت خالتي يمكن انتم تلقون له حل لعل وعسى
بنت خالتي كانت بنت تدرس بالجامعه بنت طموحه وناجحه بحياتها الحمدلله
وعندها اخت اكبر منها متزوجه وعندها بنتين وحده عمرها ست سنوات والثانيه اربع سنوات
بنات اختها يعشقونها لدرجة انها تخليهم عندها اذا طلعت أي مكان ومره سافرت هيا وزوجها وتركت بناتها
عند اختها زي العاده وقدر الله وصارلهم حادث وبنت خالتي توفت وزوجها عاش
هو مافكر بالزواج بعد زوجته ابد بس شاف حال بناته يحزن مخليهم ببيت خالتي عشان خالتهم
ويجيهم يوميا يقعد مع بناته وبعدها باشهر خطب اخت زوجته بنت خالتي ذي اللي قلت لكم عنها
والبنت احتارت ماتدري وش تسوي تضحي بشبابها ؟ ولا ببنات اختها ؟
ووافقت عليه بعد ماستخارت والحين صارلهم سنه متزوجين بس
اخوان عايشين عيشة اخوان هي بغرفه وهو بغرفه وماتلبس له ولا تكشخ ولا شي
مستوعبين ؟ والسبب ؟ هي تقول انا ماشوفه زوج اشوفه اخوي وكانت معانده مره
وقبل ايام اتصلت علي وقالت انها متضايقه من وضعها وندمت انها تزوجت تقولي انا ضيعت عمري
قلت طيب انتي ليه ما تنسين الماضي وتفتحي صفحه جديده وتشوفينه زوج لانه فعلا زوجك
قالت انا حاولت بس كل ماجي البس اله واغير الوضع احس اني اخون اختي احس اختي تشوفني
وطبعا شكت كثير بس مابي اقول واكثر هرج \ طبعا بتقولو طيب ايش موقف زوجها ؟
زوجها ميت عليها ويترجاها وحاول معاها كذا مررره بس هي كانت تقوله انت بتظل زوج فلانه اختي
مهما صار انا هنا عشان بنات اختي فقط لا غير وهو خلاص احسه غسل يده منها وتركها ذا الفتره معد يكلمها من هالناحيه ابد
الحين بنات ايش رايكم انتم هل فيه حل لها ؟ وربي ي بنات قطعت قلبي مسكينه
او عالاقل اكتبو كلام موجه لها وانا اوعدكم بصور رد كل وحده فيكم وبرسلها لها لانها مب في المنتدى
يمكن انتم تقنعوها اكثر مني او يمكن كلامكم ياثر فيها بس امانه بدون تجريح وحطي نفسك مكانها قبل تردين