السلام عليكم بنات حواء بنت خالتي طلبت مني انزل قصتها افيدوها الله يوفقكم،
بنت خالتي تزوجت ولد عمتها وعمرها في نهايه 18 كانت تحبه وهو يبيها وتزوجو المهم زوجها دام لمده سنتين وفجاء تطلقو ومحد من اهلنا يعرف السبب هي متكتمه عليه وهو ما ذكر السبب وخالتي حاولت تعرف السبب ما قدرت قالت شي بيني وبينه والله يستر عليه.
وبعد شهرين من الطلاق الولد خطب وحده من معارفنا وقالو يبون يعرفون سالفه الطلاق اول وبعدين بردون خبر لان الولد ماشاءالله محافظ على صلاته واخلاقه حلو بس ما قالهم السبب وبعدين قالو بيسألون بنت خالتي ومسكينه مدحته لهم وانه رجال زين ومن هالكلام بس ما بينهم نصيب وتزوج الله يوفقه،
المشكله انه كل ما تجمعنا البنات يقطون عليها نغزات وانه ما فيه صبر بعد شهرين تزوج وما احترم عشرة السنتين وهي ما ترد عليهم وبس نجلس انا وهي بروحنا تقعد تبكي تقول ليش يقولون لي زي كذا وانا ما ابي اتكلم عن الموضوع وبعد كم شهر انخطبت وتزوجت ولد خالي الله يوفقها المهم من يوم ما تزوجت والبنات ما وقفو كلام عنها طاحت عليه ونحن مره ما انخطبنا وهي شو فيها زود عنا كنت اسمعهم بس ما اقول شي ما احب المشاكل ما كنت احب اختلط فيهم وهي كل ما تجمعنا يوم الخميس تبدء معاناتها معاهم يحظج فلانه تزوجتي ارمل ما عنده عيال قولي لنا السر بيت ملك وموظف في احسن عن كذا وصايره تتكشخين اكثر عن قبل ماركات وحركات وهي مطنشه حتى صارت ما تجي كل خميس وامها مسكينه تقول لها ليش ما صرتي تجين نفس قبل جدتك تسأل عنك واشفيك يا بنتي تقول كرهت المكان بسبه البنات وكلامهم لي.
شو تنصحونها والله كاسره خاطري كيف ترد عليهم وتوقفهم عند حدهم لان السالفه مصخت.
الله يعينها والسموحه منكم.
ددد @ddd_5
عضوة جديدة
يلزم عليك تسجيل الدخول أولًا لكتابة تعليق.
ba121ba
•
ازين حل النوعيات هذي لاتختلط فيهم قد ماتقدر واذا اختلطت رسميه تكون معهم وخط احمر عن حياتها والناس لو تسمع كلامهم تتعب كذا تعيش حياتها وليش احسب لهم حساب وهذا كلامهم وتنسحب منهم افضل حل
بنت خالتك واضح قلبهانضيف ونيتها زينه وربي رزقهاعلى قدنيتهاماتكلمت في طليقهاولاسبته زي بعض البنات الله يهديهن تحط فيه الي ماينحط قولي لهالاتقطع الجمعه واذااخد تكلم عليهاترد رديسكته لاتصير ضعيفه وتنحرم من الجمعات بسبب كلامهن لاتصيرقويه يدون مانغلط على احد وتحصن وتحصن بيتهاوزوجهايمكن سبب طلاقهاحسداوعين
الصفحة الأخيرة
خليها تزور جدتك في يوم ثاني مثلا اذا تتجمعو الخميس تزورها الربوع او الجمعة
واذا البنات اتكلمو كذا قدامها مرة ثانية ، خليها تقولهم اذكرو الله وحسنو نيتكم الله يرزقكم وترد عليهم لا تسكت