بنت خالتي و زواجها من متزوج

بسم الله الرحمن الرحيم
عندي بنات خاله اكبرهم عمرها 26 واصغرهم 11 سنه وفيه بنت عمرها تقريبا 24 ووحده 21 السالفه عند بنت 21 سنه الله يهديها
هي البنت حلوه احلى خواتها وكمان خواتها حلوات لكن هي اجملهم لسانها يقطر عسل يعني تسوي غسيل مخ عندها اسلوب مقنع دايم مفلته للانظار و اجتماعيه برغم صغر سنها ماكله الجو برغم خواتها حبوووبات مره
احكمووا والله ماقول الا الحق والي شفته وانا قريبه منهم يعني كل اسبوع ونششوف بعض او اششوف خالتي
البنت الكبيره انخطبت تقريبا مرتيين لكن هي من النوع الي تختار وتحرس ع اختيارها وللحين ماصار لها نصيب الي عمرها 21 انخطبت يمكن ثلاث مرات من شباب وماشاء الله الي سمعته انهم كفو لكن رفضتههم ابوهم وخالتي مايتدخلوووا ابد
المهم انخطبت لمتزوج عمره تقريبا 38 او اكثر مدرس عنده تقريبا خمسه الاخت وافقت :sad: مدري ليش !! تقول اكيد يبي احلى ودلوعه ومدري ووشو :sad:
خلاص قلنا بكيفها والي من ايده الله يزيده شوفوا وشش صار خواتها مسوين حرب عليها وكارهينها جت تشكي لي منهم وتسبهم و تقول يغارون منها انها حلوه :11: و واقفين ضدها و يحرشون ابوهم وامهم ضدها وانهم يكنسلون هالزيجه المهم هي كتبت بالواتس سب لخواتها رحت اراسل الكبيره وقالت ماتعرفينها هاذي خرابة بيوت و انها داخله وناويه شر ع زوجته الاولى وووو انا احترت وقلت بكلم خالتي تشوف بناتها يسبون بعض حتى ع الواتس قدام خلق الله
وبعدين خفت حسيت نفسي مالي داعي بعد ايام عم فيها الهدووء قلت الحمدلله الوضع تمام حددت الزواج وتملكت العروس الله يوفقها ويهديها و بحفلة الملكه وبعد كل الهيصه جلسنا معاها و باقي ضيوف من اقاربنا المهم خالتي جات وهي تضحك وهي مستغربه وتقول لبنت خالتي الكبيره ابشرك انخطبتي وابشرك لمتزوج يالله لحقي باختك بنت خالتي الكبيره ماتشوفون كيف تنرفزت وشالت صينية الشوكلت وارميها ع كتف العروس !!!
وصارت هوووشه يارب والله فشله المهم العروس تقول لاختها يالعانس غيرانه مني هاذيك انهارت وتسميها خطافة رجال ! هي انقهرت تحسب مو متزوجه الا متزوج تقول ماراح يتزوجها الا متزوج اخذوا الناس سمعه عنهم انهم يزوجوا اي احد وانقهرت ليش ترفض شباب
وخالتي بعالم اخر بس تتحسب عليهم !!
امي تنرفزت منهم وراحت تحلف عليهم ماتسلم عليهم ولا يشوفوها اذا مابطلوا حركاتهم هاذي
المهم انابعدت عن العروس وهي اصلا سحبت علينا وبس تكتب عن خطيبها وتستعرض بالواتس وتكتب عن الغيره والقهر منها :confused: كيف نغار وهي بتاخذ متزوج !!؟
الكبيره تجنبتها خالص يعني من بعيد لبعيد والثانيه ماتكلمها ابد
وتشكي دايم تقول الوالده والوالد بصفها ماراعوا شعور الي اكبر منها ولا كلام الناس قلت لها نصيب بس مو معقوله تقاطعونها خلوها بتندم ع تصرفاتها معاكم
وقبل يوم صارت مشكله ثانيه وهي اخوها عصب عليها وضربها لانها 24 ساعه تكلم خطيبها (مملك عليها) وصلت حالتها تستفسر عن زوجته الاولى و كيف شكلها ووووووو
المهم بنت خالتي الي عمرها 24 كلمت امي وتطلبها تكلم اختها تفسخ الملكه انا قلت لامي ماتتدخل بس تنصحها تفكر مره ومرتين !مدري تنصحها ولا تتدخل امي ولا لا !!
الي بسالكم عنه هل البنات معاهم حق يكونوا ضداختهم!! برغم انهام جدا مسالمات وهاديات بس مدري وش صار
وكيف انصحها وانصحهم ماكتبت هالموضوع الا بعد وقت طويل وش اسوي عشان اصلح بينهم ويارب ماتقرى موضوعي ولا بتطلق علي صواريخ الله يهديها ويصلح حالها وحال خواتها واااااسفه ع الاطاله بس ماعرفت اختصر الله يسعدكم