بنت خالي

السلام عليكمصدمتني بنت خالي وسالفتها الله يهديها كنا قاعدين نسولف انا وياها طبعاً توها تطلقت ذي السنه تزوجت عام2017 تقول بنت خالي انها قعدت سنوات طويله تقنع زوجها يهاجرون امريكا وكنت انا وياه مخططين اننا اذا هاجرنا امريكا خلاص نغير ارقام جوالاتنا بحيث ان اهلنا مايقدرون يتواصلون معنا عورني قلبي من كلامها امها وابوها اللي ربوها وتعبو على تربيتها معد تبيهم يتواصلون معها للعلم انها البنت الوحيده لهم وعندها اخ متزوج وساكن بمنطقه ثانيه وابوها وامها كبار بالعمر تخيلو يابنات ان يوم طلعت رخصه ابوها شرا لها سياره جديده من الوكاله بعد كل ذا تبي تهاجر ومعد تتواصل معاهم 💔مادري احس عورني قلبي على خالي وامها المهم طبعاً انا اول ماسمعت السالفه قلت لها عشان الدراسه صح وفرحت لها قالت دراسه ايش انتي ووجهك لا هجره نهائي خلاص وبناخذ الجنسيه ومن ذا الكلام طيب وظيفه زوجك اكيد ماراح يترك وظيفته وراتبه العالي قالت ان زوجها كان موافق بالبدايه وكانو يدخلون قوقل ويسألون عن الهجره ومواضيع المهاجرين لاكن تقول سبحان الله فجئه دخل عليها زوجها وقال لها الله يستر عليك يابنت الناس تري معد اتحملك وصارت مشاكل بينهم وتطلقو تقول اذا جاها نصيب مره ثانيه بتحاول تقنعه يهاجرون امريكا يا اخواتي راكبه راسها تبي تهاجر بأي وسيله مادري وش فيها استخفت تقول تعشق امريكا ومن ذا الكلام اذا تزوجت اكيد زوجها مايرضى يترك البلد واهله وعمله وزملائه مادري حسيتها انسانه غريبه في تصرفاتها وكلامها احسها مو طبيعيه والله انها صدمت عيشتي قسم بالله بكلامها 🤕 الحياه قصيره وامها وابوها كبار بالعمر والله اعلم متى ربي ياخذ امانته الله يهديها يارب قاعده ترفس النعمه تخيلو ان زوجها كان معيشها ببيت لحالها بعيد عن اهله والبيت حقه ماشاء الله ملك له هو اللي بناه من راتبه والله يا اخواتي حتى اهله انهم راقين ومحترمين لدرجه ان الناس يحسدونها على اهل زوجها طيبين مره مره عندها ولد وبنت من طليقها شفتو كيف قاعده ترفس النعمه تكفون يابنات قسم بالله العظيم قهرتني الله يهديها