بنت زوجي الدلوعه

بنات قصتي تزوجت واحد مطلق وعنده بنت (نصيحة لاي بنت مو متزوجة اياااااااك تتزوجين مطلق وعنده اطفال!!!!!!). زوجي مدلع بنته ع الاخر وانا بطيب نية من تزوجت وانا اعامل البنت مثل بنتي واحسن وكملت دلع ابوها بس بعدين صارت تستغلني وتغار لما تشوفني مع ابوها! خاصه ان امها تركتها وماتشوفها الا 3 ايام في الشهر ومرات تسحب علينا وماتاخذها حتى لو ماتشوفها 6 شهور عادي.

البنت تغار مني على ابوها وتدخل بكل تفاصيل علاقتنا وحياتنا تتمحور حول هالبنت. نامت، اكلت، لعبت، تنفست!!! كل شي يخصها يتكلم فيها 24 ساعه! وحتى مالي اي خصوصيه غرفتي ماتتسكر ولا دقيقه ان كان في الليل يخاف تناديه ومايسمعها وان كان في النهار. 

ايام العطلة الاقيها نايمة عندنا وماتحب تنام الا في النص تكون حاجز بيني وبين ابوها. وحتى اكثر الاحيان تدخل علينا واحنا وقت العلاقة الخاصه وهو يكلمها ببرود ويضحك لها.

اكثر من مرة احس ان مكاني غلط، وان هو وبنته مرتاحين مع بعض واسأل نفسي ليش تزوجني اصلا؟؟؟ حملني مسؤولية البنت وصار يكذب علي يقولي وانتي نايمة هي جت وحضنتك وبوستك.. مايدري اني اتضاهر اني نايمة بس من قهري عشان مااشوفه هو وبنته قبل يطلعون الدوام. واليوم اسمعه يقول لها خليك في البيت ولما جا يطلع قال لي هي ودها تبقى معك!!! بنات ليش يكذب علي!؟؟؟؟

كل مرة نطلع تصير تتلصق فيه وتخليه يحملها ويلعب معها ويسحب علية. والله ندمااانه على زواجي ماتهنيت رغم هم لما خطبوني قالوا البنت بين امها وابوها وانها ماراح اتعبني ولا تكون عائق بحياتي.. مليييت وتعبت اطبخ ووانظف وتجي هي تخرب ومايعجبها الاكل وتنكد علينا وقت الغدى.


هل انا حساسه بزياده والا عندي حق؟؟ :(