امها تركتها وعمرها سنة وزوجي دخلها حضانه بسبب شغله وبسبب ان امه وابوه عايشين بعيد وهو مايقدر يفارق بنته. خالتي هي الي تعبت عليها وربتها كانت تترك بيتها وتجلس عند زوجي عشان تهتم فيها. لما تزوجت ابوها اول ايام كانت كله لاصقه فيه وانا حبيت اعوضها عن امها بس احس عمري زاد 20 سنة اكرف وانظف غرفتها وملابسها واطبخ وهي وقت تتصل امها تكلمها عادي وتضحك معها. حسيت اني مهما احاول اتقرب لها باتم مرة ابوها وفوق هذا كله ماماخذه راحتي ببيتي وغرفتي مفتوحة لها على طول!
حتى لما يزورونا ناس تاخذ عيالهم ويلعبون في غرفتي والله لقيتها موسخه الغرفه وزيت شعرها كابته ع الكومدينه وحذرتها قدام ابوها ماتدخل ومافي فايده!
انا والله اخاف الله فيها وابي الاجر بس تعبت ليش امها لما كانت معاه سفر ووناسه وانا حايسة مع بنتها؟ اقل طلعه نطلعها تقول ابغى اروح الحمام وتجلس تصييييح كلما تشوف حمام والله اخذها وانظف الحمام وبس تجلس تقولي ماعندي شي يلا ابي امشي!!
انا ايش ذنبي والله مليت ومافكرت الزواج من مطلق مع عيال كذااا
الله كريم بس :(
امها تركتها وعمرها سنة وزوجي دخلها حضانه بسبب شغله وبسبب ان امه وابوه عايشين بعيد وهو مايقدر...
الطفل باربع سنين عجينه لينه تشكلينها زي ماتبغين
حاولي معها باسلوب حلو ولاتلومينها على الي تسويه البنت متشتته بينكم وبين امها
ادخلي عالمها وتكلمي معها وشوفي وش تحب لاتقولين بنت زوجي وكلام المسلسلات بالعكس البنت لسه طفله فيها براءه ولاعندها حركات الكبارالي يكيدون لزوجه ابوهم والطفل بهالعمرعموما عنيد والله انا احيانا شوي واهل الدمعه من بنتي وعنادها لكن الصبر
اكسبيها مثل ماقلت لك بالحنيه والهدايا ونزلي نفسك لتفكيرها والله تلاقينها خلاص حبتك
وابوها قولي له البنت بكره تكبروتدرس وتطلع للعالم الخارجي اذا ما احسنا تربيتها وفهمناها وعلمناها ان لكل شي حدود بتتبهذل في هالدنيا وقولي له لاتدلعها كثير
واصبري عليها كلها كم سنه وتكبروالطفل ماينسى بسهوله اذا كبرت وذكرياتها من طفولتها عنك حسنه بينفع فيها ويبين في عينها وصدقيني بتحس ان لك فضل عليها
وحركات العنادهذي ابغى حمام وتنكدالطلعات موجوده وبنتي تسويها واشدمن كذا كرهتني الطلعه