كنت احسب انها صغيره لكن طلعت كبيره واللي في عمرها المفروض يعتمد عليه
الخطأ كله من الأب المفروض من قبل يتزوج يكلم بته انها ضروري تحترم الزوجه ولايسمح لها ابدا تتعدى حدودها وتقل أدبها ،والمواقف اللي ذكرتيها بصراخه مستفزه كيف يسمح لها تطلعك من الغرفة وتجلس بينكم وتاخذ مكانك بالسيارة وغيرها ،معليش هذي مو غيره هذي تعدي الحدود في الأدب والخسران هو الأب
لازم يأدبها قبل يشبعها حب وحنان،لأن بكره يمكن تتمرد عليه ولاعاد يقدر يضبطها
وانت الله يكتب أجرك ماشاء الله عليك

الله يكون في عونك ويكتب لك الأجر
أشوف أفضل حل تعيشين حياتك طبيعي وهي ماتحتكين فيها نهائياً التعامل يكون بين الأبو وبنته,,, بمعنى ما أكلت بكيفها زعلانه بكيفها لا تعلقين ولا تسألينها وش تحب وش تكره,, كل التعامل يكون مع الأبو
الشيء الأهم لازم ابوها يعلمها أنها تحترمك وتقدرك لأانك اكبر منها سن ,, وللأسف الشديد أخطاء يوم قال لك أركبي ورى وهي قدام معليش الصح صح والخطاء خطاء واذا هو شايف عياله خط أحمر أنت ايضاً كرامتك خط أحمر,,,
الي عليك تقومين بواجباتك كازوجه وتحمل مسؤلية أسره وتتعاملين معهم بالين والبنت همشيها مره خليها هي الي تبحث عنك ومادام باقي أفراد الأسره مرتاحين لك أغدقي عليهم من حنانك لأن البنت الأن في مرحلة مراقبه شديده لك
وما أقول إلا الله يعينك على هالمسئوليه الصعب والله يكتب لك الأجر ويسخر بنت زوجك واخوانها وابوها لك,,, امين

مفروض ابوها مايعطيها وجه بزياده هذا،غلط،لانها راح تتمرد وتزيد
وانتي الضحيه... لازم يكون جاد،معاها ويعاقبها وخليها تزعل،يوم يومين وراح تتعود


وبالنسبه لك انتي لاتسمحين لها بكل شي يعني عامليها مثل بنتك بالظبط ماتوقع راح تسمحين لبنتك تاخذ مكانك بالسياره
يعني عامليها بحب وقسوه وخليها تعلم الناس وخليها تسوي اللي تسويه لين تتعلم وتتعود،بس ترى لو سمحتوا لها تسوي كل اللي تبغاه راح يجي يوم وتلاقين ابوها هو اللي بصفها راح يتعود نفسها

شفيكي قلبتي ع الحرمه ماقالت شي غلط ماشاء الله عليها مسويه اللي عليها وزود ولو انتي مكانها ماسويتي كل هذا .. شوي شوي مافيه شي يستاهل تهاوشين عليه

سبحان الله أنا كنت في يوم من الأيام في نفس موقف بنت زوجك ونفس العمر وكل الموقف اللي ذكرتيها صارت معاي ولو ما مرت سنين طولة كنت شكيت ان زوجة أبوي هي الكاتبة الموضوع وعلى فكرة الحين مايحن عليها ويهتم فيها أحد كثري وهي سبحان الله ربت عيالي معاي كنها جدتهم... شوفي موقفك غير سهل بس تصرفي بحكمة وواضح ان فيك وفي أهلك خير وأنك بنت أصول
البنت حساسة وأكثر واحدة أثر فيها موت أمها لانها أكثر وحدة عاشت معاها وحاسة بالتغيير وفيها حزن كبير. هي خايفة أبوها ينساهم أو يبتعد عنهم وهو الشخص الوحيد اللي بقا لها ولأخوانها
لكن في أخطاء في تصرفاتها قابلة للتعديل بدون قهر أوتحطيم
مثل حركة الجلوس قدام ..يكلمها أبوها بينه وبينها ان عيب وحدة كبيرة مثلك تجلس ورا وهي قدام وأن الحركة غير حلوة في حق البنت نفسها وشوفي لو ما استحت هي من نفسها وما كررتها
على فكرة مو كل تصرفاتها بسوء نية هي بس في فترة مراهقة
وفعلا لازم يكون في وقت أبوهم يقضيه معاهم أو يطلع معاهم بدونك حتى يطمئنوا أن أبوهم مانساهم عشان تزوج
أما الامتناع عن الأكل ..فممكن يكون عندها اكتئاب ويصير تراه في الأطفالخصوصا اللي في مثل موقفها