الله يكتب الاجر لك ياحبيبتي , التربية صعبة جدا وأنا أشوف انكم ماتدلعوها أكثر من كذا .كثير بنات تيتموا لكن ماتدلعوا دلعها


الرحمة حلوة لكن مو بالطريقة هذي , لاااازم تتعاقب على أخطاءها لأنها بتطلع إنسانة مزعزعة الثقة وماتعرف تتصرف في أبسط الأمور

تبي تمشيكم ع كيفها وانتم عطيتوها الضوء الاخضر.لازم من الحزم والشده في وقته والحنان والطيب في وقته
لاتركب على رؤسكم وتدلعوها 14 سنه كبيره وفاهمه
كم من بنت امها متوفيه ماسوت كذا
لازم يكون لاابوها شخصيه ويمشيهم على النظام
والترتيب في البيت وانتي اطلعي منها
واكثري من الاستغفار والحوقله وقراءه سوره البقره .
ولا تحرمي نفسك من الامومه عشانها بنات اخر زمن
وربي يعينك

اسلوبكم معاها غلط الدلع الزايد يخرب مثل لما كسرت جوالها المفروض عقابا لها مااشترى جوال تتحمل نتيجة تصرفها والاكل طنشوها اذا جاعت راح تاكل بس هي تبي تلفت انتباة ابوها لها بالطريقة ذي والفندق المفروض ماسمع كلامها وراح نام مع الاولاد اذا بيسمع كلامها على كل شي ايش الفايدة انة ابوها وهو الي المفروض يربيها تعاملوا معاها بحنان امدحوها يجيب طلاباتها العادية مثل البنات ممكن تطلع هي وابوها مع بعض الافضل انك ماتتدخلين فيها نهائي اقل شي لما تتقبل وجودك معاهم عامليها بمايرضي الله وطنشي تصرفاتها مو لازم تحبك اهم شي ابوها يوضح لها انك زوجتة ولك حقوق وعيشي حياتك عادي مع زوجك اذا يوم طلع عيالة اطلبي اليوم الثاني تطلعين انتي وهو مع بعض بدون عيالة ونفس الشي السفر اذا الام تحب تطلع بعض الاحيان بدون عيالها كيف انتي وفهمية انة حق من حقوقك ومنها تتغير نفسيتك شوي والله يعينك ويكتب اجرك وتذكري انهم ايتام وفيهم اجر كبير

حبيبتي الغلط علي عده اطراف بالسالفه كلها أولا الغلط علي زوجك لييييييييييييه مدلعها كل هالدلع صحيح بنته الوحيده وفاقده أمها ومن حقه يهتم فيها ويدللها لكن مع علي حساب حياتكم تصير حجيم عشان طفله مدلله هذا غلط واذا ظل كذا معاها اللله يستر بكره لا كبرت لا بتعرف تدبر بيت ولا زوج ولا عيال وبتصير قمه الفشل بحياتها وثانيا اهل أمها وامها اذا هم فعلا يحبوها وخايفين عليها وشايفين انك مقصره معاها ليه ماياخذونها والا بس تحريش ونذاله السالفه اجلسي مع زوجك وتفاهمي معاه قولي له اذا البنت بتصير عاقله بحطها بعيني واعتبرها بنتي واداريها اما اذا بتحرشها أمها وبتخرب حياتنا الله لا يهين أمها وديها عندها وخلاص هذا افضل حل يعني من سابع المستحيلات تدمرين حياتك عشان دلع بنت لا عيال قادره تخلفين لا راح مع زوجك قادره ترتاحين وش باقي بعد اذا ضليتو علي هالوضع ماحد خسران غيرك بتوصلين لمرحله بتنفجرين وممكن حتي تطلبين الانفصال من زوجك تلاحقو الموذوع طالما انتو ببدايته البنت خليها تدلع مره مره مرتين و3 اخرتها بتهجد بس طالما تنفذون لها كل شي الله يعينكم ولا تزعلين من كلامي اخرتها بتتحكم بحياتكم وبتصير حياتكم بيد طفله هذا الي بيصير اذا ماحد وقفها عند حدها

غلط تصرف ابوها الله يهديه
لازم يكون حنون ومراعي وفي نفس الوقت حازم اذا كان فيه تجاوزات منها
لازم ابوها يجلس معها ويكلمها بصراحة ووضوح
يقولها انه يحبها ويغليها هي واخوانها
وانه مازال يحب امها وكل يوم يدعي لها وماراح ينساها
وانو ماراح يقصر عليها هي واخوانها باي شي في الدنيا لو احتاجو عيونه عطاهم
لكن الخطاء والتجاوزات والتعدي على الغير ممنوع
يشرح لها انك دخلت حياتهم وصرتي وحدة منهم وانك تتعبين ويبين فضلك واهميتك في البيت وانك زيك زيها لك حقوق وواجبات ولازم يلتزم فيها تجاهك
وانو ماراح يسمح باي خطاء او تعدي منك لها او منها لك
واللي راح يخطء عالثاني راح يكون هناك محاسبة
وانو انتي حرمة اكبر منهم والاسلام امرنا نوقر الكبير ومن هالحكي
عالعموم مازلتي في بداية المشوار صعب تحكمين من الحين
بالتوفيق