بنت صديقة امي ..وكلام الشباب عنها

السلام عليكم ورحمة الله وبركاتو


خواتي بغيت استشيركم بموضوع حساس..

صديقة امي ساكنة معي بنفس الحارة ..امراة اربعينية ..متعلمة .. وقمة في الطيبة

علاقتي بها سطحية جدا شفتها كم مرة مع امي ..وزارتني مرة ببيتي..وماشفت منها الا كل خير ..

لزوجي ابن اخت واولاد اخوان دايم يجون يزورون عمهم ...مرة استغربت من زوجي يسالني اذا هالحرمة لها بنت كبيرة او لا ..استغربت لاني اعرف ان لها بنت عمرها 17 سنة ..وسالني عن علاقة اختي الصغيرة بها ..وعلاقة بنت اخوة بها بحكم انهم بنفس السن ..قلت لة علاقة جدا سطحية ..قالي كذة افضل ..الحيت علية اعرف اش السبب قام قالي اسمها ووين تدرس بالضبط وسيارتهم وان البنت مي مضبوطة وتعرف واحد معطيتة كل معلوماتها اللي تاكدت انها صحيحة ..

البنت والشهادة لله مااعرفها الابالشكل ..انا دايم احس بخوف على هالبنات الصغار اللي يغرر بها الشباب ويضحك عليها بكلمتين ..ودي اوصل الامها هالكلام من غير ماتنصدم او احرجها وفي نفس الوقت ماامون واخاف انها تحسب اني اتبلاها ..امي صعبة جدا تقولها لان صداقتهم مش قوية مرة ..واذا قلت لامي تقول لها اخاف تفهم اني ممشية السيرة عليها ..

دلوني بطريقة اني انبة الام فكرت اني ادق عليها من تلفون البيت واقولها من غير مااعرف بنفسي اكن اخاف تبحث عن صاحب الرقم خصوصا انة كل من عندة ثابت صار عندة كاشف تقريبا ..

انتضر حلولكم