لاريسيا @larysya

محررة فضية

بنت طبت بحوشنا فجئة حسبنا الله وكفى

السلام عليكم
كيفكم خواتي مادري اقول الدنيا لسة بخير ولا اقول الله يستر من الزمن
البارح كنت اهلي
وروحت من عندهم قبل اذان العشاء ويوم طلعت رديت الباب ماقفلته لان ولدي طفشني شايلته وماكان لي خلق اسكر الباب وهو يبكي قلت الجيش ببيتنا يقفلونه بعدين>>'طفشتكم
المهم امي قالت هالسالفه صارت عقب ماطلعتي بثواني جت بنت شكلها من الحارة حقتنا من البقالة
وكان راعي سيارة يطاردها من اول ماطلعت هي هربت ومالقت الا بابنا مفتوح خشت الا وتلاقي امي تنشر ملابس بالحوش المهم سبحان الله بهاللحظة كان في واحد فيه الخير شاف البنت من يوم هي طالعة من البقالة والسيارة وراها وفهم الطبخة راح يططارد السيارة بس ماقدر المهم انه اخذ اللوحة وبلغ الشرطة ثم جا لبوي قال ياعم بناتك لايروحو البقالات بالليل ابوي قال انا مو معود بناتي يطلعن للبقالات الا امي توها موصله النية لهلها طلعت من الجيران عمرها 11 سنة المهم ابقولكم بناتكم لاترسلونهم ابد ابد لايرمن زباله ولا للبقالات والشرطة خلال ساعة مسكت الشاب طلع عاطل باطل معه سيارة اجرة اجل كيف يوصل الناس وهو يحرش بالاطفال حسبي الله ونعم الوكيل

يلزم عليك تسجيل الدخول أولًا لكتابة تعليق.

تسجيل دخول

22الماسه الحساسه22 • 13 سنة

حسبي الله ونعم الوكيل

الدانهـ • 13 سنة

يااااااستيررررر

الحمدلله على سلامتها والشرهه مو عليها على اهلها والا فيه احد يرسل بنته للبقاله حتى لو عمرها 6 سنوات

موو عاااد 11 سنه كبيررره والله

المهم غلط احد يرسل بنته للبقاله حتى لو هي بزر ...

ام مـــــرح • 13 سنة

الله يهديه

#ران موري# • 13 سنة

لاحول ولاقوة الا بالله

11 سنه يعني البنت توها بخامس ابتدائي وتطلع باليل ؟! وين اهلها عنها

غريبه والله

الحمدلله ان امك وصلتها جزاها الله خير

عشانه كل شي يهون • 13 سنة

ياقلبي عليها
الحمدلله اللي ربي ستر عليها