بنت عاقّه بتخطبها عمتي وش اقول لها ؟/ تم

السلام عليكم ورحمة الله وبركاته

الموضوع باختصار عمتي بتخطب لولدها الله يوفقه ولها فتره تدور له العروس المناسبه
المهم هي شافت وحده من قرايب امي في عزيمة في بيت اهلي قبل فتره وعجبتها هالبنت لانها طلبت مني معلومات عنها عمرها واخلاقها واهلها واطباعهم ونظام حياتهم و و و الخ طبعا انا عطيتها معلومات اللي اعرفها لكن مو هنا الاشكال
المشكله يابنات ان هالبنت امها طلبت الانفصال من ابوها لانهم دايما مشاكل وقالت طلقني واطلع من البيت واترك البيت لي انا وعيالي مع العلم انهم من سنين وهذي حالتهم دايما مشاكل وصراخ قدام عيالهم وسب وشتم بين الطرفين وقدام العيال واحيانا قدام الناس
واللي نتج عنه ان عيالهم صاروا بصف امهم ضد ابوهم ويتلفظون على ابوهم بكلمات مثل كل ز... ياحرامي ياحمـ... انت مو رجال .... الخ من الالفاظ البذيئه ومن ضمنهم طبعا هالبنت اللي بتخطبها عمتي
انا ماقلت لعمتي عن مشاكلهم وطردهم لابوهم وعدم احترامهم له قلت لها بس ان ابوها وامها مطلقين وابوهم طلع في بيت لحاله وترك لهم البيت وانا بصراحه محتاره اقولها عن مشاكلهم وعدم احترامهم لابوهم ولا اسكت
لاني حطيت نفسي مكان عمتي ولو بخطب لولدي او اخوي ماراح اخطب له بنت تصارخ على ابوها وتسبه وتقوله اطلع برا بيتنا يا للي فيك ومافيك
فا وش رايكم اقولها او اسكت
ولا اسكت الين اشوفها معزمه على الخطبه واقولها وهي بكيفها
لاني اخاف اقولها عن مشاكلهم وهي ماجزمت على الخطبه وبكذا اكون طلعت فضايح الناس
واخاف اسكت وتعزم على الخطبه وتستمر فيها واكون انا غاشتها وماعطيتها كل شي ولا بريت ذمتي
لان بصراحه عمتي اهم ماعليها اخلاق البنت واحترامها والبنت وامها واخوانها قدام الناس لبقين ومحترمين لكن مع ابوهم الله يعافيهم ولا يبلانا
ارائكم اذا تكرمتم ؟