بنت عمتي دلوعة امها وتبينا نصير

مرحبا
عمتي هذه ساكنه برى المنطقه وتحينا تجلس عند اهلي فترات هي عندها بنت وحيده جابتها بعد اولاد عمرها الان ٢٢ تجيبها معها وهي ما تبغى انا قبل ما اتزوج كنت اعاني منها وامها مزودتها حبتين احسها مدلعتها دلع اوفر ومسويتها يا دهينة لا تنكتين كنها هي الام مش البنت حتى في بيتهم امها ماقد امرتها وتفتخر فيها عند الناس ومعتبرتها شي عظيم إلى هنا ما قلنا شي بس تبغى الكل يعاملها كذا زي الاميره والبنت شخصيتها نرجسيه ما تحب الا نفسها كنت اتضايق اذا جتنا انا الان تزوجت بس اشوف خواتي يتضايقون منها ومن امها خواتي من جيلها بس هي شايفه نفسها عليهم زي اذا جو تقول امها روحي حبيبتي فوق لغرفة البنات عشان تاخذين راحتك وتطلب من خواتي يجلسون معها وخواتي يقولون ما تعطينا وجه بس تكلم صاحباتها واذا حطينا السفره تقول طلعو لبنتي اكل واجلسو معها وكل شوي
طلعو لبنتي قهوة طلعو لها شاي طلعو لها حلا وهي متمدده على السرير وتلعب في الجوال اذكر مره قالت لي طلعي لها شاي قلت ابشري بس اكمل مواعين قامت هي وسوت شاي لبنتها وطلعته ولا مره كانت اختي تسوي عشاء ومتكلفه واصناف وعندنا ناس قالت بنتي مشتهية وجبة همبرقل اطللبو لها ولا تقول لختي اكوي لبسي المشكله حتى تعاملها مع امها كذا تقول عادي امي واعاجبها ودائم تتنمر علينا وترمي كلام واذا جت ترجع لم منطقتها قالت اخيرا فكه كنها طالعه من حبس اختي اتصلت علي منقهره منها تقول ضيف اوكيه ماقلنا شي بس الضيف يحترم نفسه تعبنا منها نفسيا وجسديا وش فيها اذا حطينا السفره ما تجلس معنا ولا لازم نطلع لها اكل وعذرها اخاف يدخل احد الاولاد واخواني اصلا ما يدخلون غرفة الضيوف عاد هي تقول انا في البيت ما تعودت اشيل شي اذا جت شغالة اختي اخليها تخدمني يعني معتبرتنا زي شغالة اختها