:32: ذاك اليوم كنا رايحين المطار حق بنت عمتي وجت وحدة سلمت علينا ماعرفناها
إلا تقول انا جلنار قلت لها ههه تقول والله انا جلنار قلت لها ايوة صح وامها قامت تبكي مو مصدقة صارت حلوة وتهبل ورشيقة تدرون كم كان وزنها 89 والحين صار 56:23: صدقوني فرحت لها من كل قلبي ..في شهرين بس تغيرت 180 درجة عندي احساس انها معجزة خخخخ
تقول كانت جارتها جنبها في نفس العمارة اجنبية وتعرفون الأجانب وحربهم ضد السمنة المهم قالت لها انا ماخليكي ترجعين البحرين إلا وانتي رشيقة والمهم بنت عمتي ماقدرت تتخلى عن الأكل بسهولة لكن لما شافت روحها في المرايا قالت شكلي مو حلو وش بيضرني لو نحفت شوي وبطريقة صحية وكفاية انها جميلة بس بسبب السمنة ماكان جمالها طالع ..
المهم اهو مافي طريقة اكل معينة بس في اشياء تعملها اهي كل يوم اول شي قالت لها انسي شي اسمه دهون والسكر مرة في الإسبوع بس وقالت تحملي من النشويات لأنها تتحول لدهون والسكر نفس الشي لأن الجسم مايقدر يحرق السكر فيصير دهون ويتراكم تحت الجلد
المهم قالت لها فطورك دايم خليه عصير فرش بدون سكر طبعن يعني فواكه عصريها بنفسك وإذا بتاكلين خبز اكلي خبز قمح الي هوالخبز الأسمر مو كل يوم طبعن غيري لأن الجسم إذا تعود على نمط اكل معين مستحيل راح يضعف المهم يعني دايم اكلي فواكه واكلي خضار مطبوخة بنت عمتي تقول يوم قالت لها خضار مطبوخة صا ر وجهها جذي:06: بعدين تقول صار عادي عندها تقول حق غداها تاكل كوسا مفيوح يعني مطبوخ في ماي او تاكل بطاطا مفيوح او تاكل خس وملفوف وخيار وتحملو في الفواكه من التمروالموز لأنهم يسمنون والخضار تحملو من الجزر اكلو بس مو كثير جزر
وش قالت بعد ياربي قالت مممم من تحسين بجوع شربي ماي كثير لأنه يشبع وإذا تاكلين اكلي شوي شوي يعني القمة امضغيها 20 مرة على الأقل اولن مفيدة حق جسمج وبعد تحسين بالشبع لأن من كثر المضغ تحسين انج اكلتي كثير وانتو بحاجة لبروتين فأكلو بقوليات مرة في الإسبوع واكلو لحم او دجاج او سمك مشوي او مفيوح مرة في الأسبوع بس وتقول إاذا جعتي شغلي نفسك روحي اتفرري في البيت وشربي ماي وإذا صحيتي الصبح عملي تمارين خفيفة ودايم عملي تمارين ضغط للمعدة ياربي على معدتها صارت تهبببببببل حلوة ورشيقة :32: ومشدودة كانت قبل مأساه كأنها جيلي على قولتها خخخخخخخخخخ ايه وعلى قولتها لا تسويين شوبينق وانتي جوعانة لأن بتشترين المحل كله و إذا بتروحين مجمع او شي صعدي السلم العادي مو الكهربائي وفي شي قالت لي عنه ويمكن راح تضحكون منه لكنه كثير مفيد انك تكتبين لسته او قائمة عن الأشياء الي تكرهينها في نفسك وتبين تغيرنها وتكتبين شلون تبين تصيرين وتكتبين الأشياء المحرجة الي تسببها لج زيادة الوزن مثلن اذكر قالت لي اهي كتبت على ايام اهي دبة كانت تبي تشتري جينز بس مافي سايزها لازم تسوي تفصيل :06:مسكينة وتقول انها لما تطالع عارضات الأزياء تجيها حالة نفسية خخخخ تقول ودها تذبحهم على هالأجسام وتقول انها كانت تحتر مني تجوفني البس ضيق وجينز وجسمي حلو مثل جنفر لوبيز على قولتها مع العلم اني كنت دبة قبل وضعفت بدون ماحد يساعدني بإرادتي بس رجيمي كان خاطئ شوي المهم ماعليكم مني ..
تصدقون ماشالله لا إله إلا الله صارت تهببببببببببببل وجميلة وجسمها رشيق يعني ماتتصوورن شهرين بس وتغيرت بدون برنامج غذائي معين بس الي ذكرته لكم وحاولو بعد تمارسون رياضة خفيفة لأن كارين الي اهيا جارتها قالت لها تبين جسم حلو لا تسووين رياضة وايد لأن بتطلع لج عضلات وبيصير جسمج مو شي ..
اتمنى اني افدتكم
سونار
:42:
سونار @sonar_1
عضوة جديدة
يلزم عليك تسجيل الدخول أولًا لكتابة تعليق.
مبرررررررررررررروك والله الرشاقة
وعقبالنا يارب انا مو سمينه بس الكرش اللي بعد الولاة ذابحني
بس مشاء الله على هالارادة انا كل مانوي اسوي رجيم اهجم على الاكل اكثر اتسلط
ومشكورة على الموضوع
وعقبالنا يارب انا مو سمينه بس الكرش اللي بعد الولاة ذابحني
بس مشاء الله على هالارادة انا كل مانوي اسوي رجيم اهجم على الاكل اكثر اتسلط
ومشكورة على الموضوع
الصفحة الأخيرة
ويارب كلنا ننحف ونبقى رشيقات :41: