بنت عمي تحب اخوي .... واحنا ما ودنا نخطبها له

السلام عليكم ورحمة الله

المشكله مثل ما هو بالعنوان وابي منكم كل وحده تدخل وتكتب رائيها نخطبها ولا نخطب له وحده من برا العايله

راح اقولكم السبب ليه ما ودنا نخطبها


اولا انا عندي اخت متزوجه ولد عمي ( اخو البنت )

وعندي اثنين اخوان كلهم متزوجين من برا العايله ومررره مستانسين ومرتاحين وعلاقتنا بزوجاتهم رسميه وحلوه وكلها احترام

وباقي عندنا اخوي هذا وهو الصغير ووظيفته حلوه وعنده شقه جاهزه وسيارته كشخه وبدون مبالغه وسيم يمكن ازين عيال العايله الله يحفظه
ومررررررررره بار باهلي بشكل ما تتصورنه مرضيهم ويسفرهم مكه ويحجز لهم بارقى الفنادق ويخدم ابوي بعيونه

والله يوم احتاج شي ما اطلب الا هو مررره غير غير غير الله يحفظه يارب

المشكله انه من فتره بدت تحس اختي ان بنت عمي ( اخت زوجها ) تتغير لا ذكرته او جابت طاريه تقول تستحي البنت واخواتها انواع التعليق

المهم وصلنا من بنات عمنا الثانيات انها تموووووووووت عليه

المشكله ان اختي وزوجها بينهم مشاكل واخوات زوجها كانوا شينات معها لحد ما حسوا باختهم وقاموا يحسنون الاخلاق
واختي مقهوره تقول يومنهم يبون ولدنا صاروا يعاملوني بالطيب

يا بنات افهموني مشاكل العايله كثيره والاقارب بالذات وزوج اختي كل يوم يقول لها اذا ودكم تخطبون لفلان عندكم خواتي اختاروا اللي تعجبكم واختي بس تقوله والله ما اخترنا لاحد من اخواني هو اذا يبي بيقول

المشكله ان البنت تنخطب وترفض وبنفس الوقت كاسره خاطري وبرضو اختي واللي سووه فيها مو شويه

واخوي عادي يعني تعرفون العيال لو قلنا له فلانه وزيناها بعينه راح يقول براحتكم وان قلنا من برا مثل اخوانك راح يقول بكيفكم
مع ان اخواني كلهم بعد مشاكل اختي حسوا ان الزواج من برا ازين
انا احس امي ما ودها بالبنت بس لو اقنعناها راح توافق وبنفس الوقت ابوي من الحين يلمح يقول بنات عمه كثير يختار منهم وحده

ابي رائيكم ننسى اللي فات ونخطب البنت ولا المشاكل راح تكثر ؟؟