بنت عمي تقول ابوي طاح من عيني

مساء الخير
هذه بنت عمي ارسلت لي وهي مره مرتفع ضغطها وتقول ابوي طاح من عيني وانا اعتبره مثلي في الحياة هو شيخ وملتزم والكل يرجع له ويستفتيه في أمور الشرع تقول كنت عازمه قريبتي عندي في البيت توها متزوجه وكنا جالسين في مجلس الظيوف تقول انا وجهي قدام الباب والبنت معطيه الباب خلفها الا الباب انفتح شويه تقول احسبه امي او اختي والصدمه انه طلع ابوي فتح الباب فتحه بسيطه وجلس يطالع منها وطول في الوقفه تقول قمت يوم شافني ارتبك وانحاش المشكله انه قبل ما تجي ابوي كان عارف انها بتجيني لو انه شافها بالغلط كان عذرناه لكنه متعمد تقول لي اسبوع واحس اني ما تقبلته وطاح من عيني صحيح اني ما خبرت امي ولا اخواني بس منقهره منه كيف رجل دين وعلم كهذا وبامر بالمعروف والنهي عن المنكر وحافظ لكتاب الله يسوي كذا ما خاف من الله وانقهرت على ظيفتي وحطيت نفسي مكانها تخيلت لو أزور ناس وانا جالسه يا غافل لك الله ويجي ابوها او زوجها ويفتح الباب ويطالعني تقول والله اني قلبي مشتعل نار من الي شفته بغيت امسكه وافشله بس مهما كان هذا ابوي
حتى انا حسيت نفس احساسها هو عني وكنت احبه واحترمه وكل ما اجتمعنا يلقي علينا كلمه ومجلس ذكر احسه طاح من عيني للأسف بس سبحان الله الشيطان أعوذ بالله منه شاطر