بنت عمي قلبي عليها

السلام عليكم ورحمه الله وبركاته .
اليوم ابكتب لكم قصه بنت عمي بصراحه هي انسانه تحملها قوي وعزيمتها اقوى مشأالله عليها بنت عمي عمرها 24 أبوها اللي هو عمي خلاها تسيب الدراسه بعد ماتخرجت من المتوسطه (ترا ابوها عمي الكبير اكبر من ابوي 21 سنه ) المهم جلست في البيت تاكل وتنام بس وتساعد امها بشغل البيت عمي موحق خرجات وتمشيات الانه شايب كبير المهم وسمنت وصار وزنها 95 وطولها 154 تزوجت من سنتين من واحد من جماعه امها هو بصراحه أحلى منها ودرس في كندا والله والله انها بنفسها تقولي مايحب يتكلم معاي ودايم يهزئها بسب وزنها ويتكلم أنجليزي باالتلفون وبعدين تزوج عليها المسكينه انقهرت طبعا تزوج وحده نفس المواصفات اللي هو يبيها وتوقول انه دايم مطيح عندها واخذا معاه لكندا ,بس عارفين بنت عمي وش سوت غيرت من نفسها نحفت وزنها والله العظيم يوم شفتها ماصدقت عيوني صارت تهبل وأخذت دوره أنجليزي ودره حاسب وصارت تقراء كتب باالهبل ورشاقه وصبغه شعر وحركات في كل مره نتقابل اتفاجئ بشي جديد فيها وكل هذا صار يوم زوجها في كندا قعد 5شهور هو والمدام , تحلف بت عمي تقول والله العظيم مايدق علي ولايسأل عني الا كل فتره وفتره (بس عارفين ماقالت له ولا شي عن نفسها الا دورات الحاسب والانجليزي ) يوم شرف حضرته من كندا دخل يسلم على امه وتقول انا دخلت بعدين تقولي قعد مبقق عيونه ماهو مصدق اللي شايف تحلف تقولي امه تساله عن صحته واحواله وهو مطالع فيها تقول امه راحت وقعد هو يقول وش هذا التغيير بس عارفين بت عمي وش قالت له في ناس تغير نفسها للاحسن وفي ناس تقصده هو تنسى نفسها وتصير في الاسوء وحلفت أنه من يومه تغير معاها جذريا في كل شي وهي الحين حامل وعايشه في الرياض ولها بيت لحالهه بس معا ام زوجها وهي طلبت ذا الشي
كل هاذا انا كتبته بس عشان تعرفون أنه باالعزيمه والاصرار كل شي يصير أنا بنفسي ماقدرت أسوي ربع اللي هي مسويته وأنزل وزني الله يعيين (عذرا على الاطاله)..