السلام عليكم ورحمةالله وبركاته
أخواتي وحبيباتي بنات منتدى عالم حواء
أخباركم أن شاء الله بخيييييير وبكل صحه وعافيه
ماراح أطول عليكم راح أبدأ بالقصة والله ثم والله أني محتاجه مساعدتكم... فلا تقصرون معي
بنت عمي مفروض انها في سادس لكنها الان دخلت خامس ابتدائي لانها عادت السنه في أول ابتدائي
***يوم كانت في بطن امها لاحظوا الدكاتره من السونار وجود عيب خلقي في الحالب الموصل بين الكلى والمثانه
وعلى طول اول ماولدتها أمها خذوها بالاسعاف على المستشفى التعليمي في الخبر
وترقدت عندهم لشهوووووور وعملوا لها عمليات ونقلوا لها دم وتبرعوا جماعتنا وكل اللي نعرفه
وقعدت فتره وهم حاطين لها كيس ولي علشان يطلع البول وانتوا بكرامه على بره من جسمها
وطبعا ماقصروا معها بالمضادات الحيويه وكنا اذا جينا نزورها نلاقي طلاب التعليمي ماسكين المشارط وطايحين
فيها تقطيع اللحين أحنا قاعدين نتكلم عن طفله ماتعدت ال3 شهور وماننسى انها ترقدت بالعنايه المركزه
اللين قالت بس>>>>عذرا على الاسلوب بس والله اكتب لكم ودموعي مغرقه عيوني وخانقتني العبره
المهم الله حفظها وشملها بعنايته ودخلت المدرسه كانت ماتعرف تمسك القلم وفهمها متدني بالمره
ولا تقدر تستوعب اي شي حتى البسيط منه وعلى كذا حسينا انها تحتاج تعليم خاص مش مثل اللي في سنها
والخفجي مافيها تعليم خاص غير ان ابوها اللي هو عمي الله يحفظه ويعطيه طول العمر
رفض ان احد يقول ان بنته فيها شي وان مافيها الا العافيه بس تحتاج احد يدرسها ويهتم فيها
المهم البنت كبرت ومشت حالها في الدراسه
لكن الصدمه اللي كلنا انصدمنا وانهرنا وقعدنا نبكي وماصدقنا انها مرت بهذا الشي وكلنا ماانتبهنا لها
ان كل صديقاتها تخلوا عنها >>>بعذر انتي عايده السنه واحنا مانبغى نتمشى معاك>>>تعرفون حركات بنات
الابتدائي
واحنا ماعندنا علم وكانت تخترع لنا قصص عن صديقاتها وتمشي في المدرسه لحالها وتشوف شلل البنات
وتتحسر على حالها
وذاك اليوم تعرفون كل البيوت كانت تتجهز لبكره علشان استلام النتائج فجتها كلمه ان كل هذا التجهيز واخر شي
بتجيبين العيد والحين انصعقنا بالخبر قعدت تبكي انكم انتوا اهلي ولا حاسين فيني انا كل صديقاتي تخلوا عني
وامشي بالمدرسه لحالي نفسي يكون عندي صديقات مثلي مثلكم
طلعت طول الفتره اللي فاتت تمثل علينا
هي مسكينه على نياتها وعلى الفطره مو مثل البنات اللي الحين ماتفرقينهم عن الحريم
وفي رمضان عزمناهم على الفطور وجت مسكينه فرحانه على اساس البيت عندنا مليان بنات بنفس عمرها
بنات اخوان زوجي
وشوي بعد الفطور لاحظنا انها متضايقه وعيونها مليانه دموع جينا انا واخواتها وسألناها قالت ان البنات
مايعطونها وجه وانها اذا جت تسولف مع وحده راحت وتركتها والله قعدنا نبكي
والحين يوم بدت المدرسه كان في ثنتين عندها في المدرسه حطينا فيهم الامل بس ياخساره تركوها
بنفس العذر انها عادت السنه في اول ابتدائي
انا ودي اروح للمشرفه واوضح لها اللي البنات قاعدين يسوونه فيها بس اختها قالت لي ما نبغى ندخل انفسنا
في سواليف البزارين
انا قلت اذا مالك صديقات مو معناها ان العيب فيك يمكن في البنات ويمكن في المستقبل بيكون لك صديقات
احسن من اللي تركوك
لكن اجابتها كانت انا انسانه وابغى يكون لي صديقات مثل كل البنات انتوا تقولون لي لاتهتمين لكن مااقدر
ماأهتم
والله كلنا شايلين همها ونفكر فيها صارت تكره المدرسه وتدور الغياب على أتفه عذر
في اي وحده عندها فكره كيف نحببها في المدرسه
واللي ماعندها تدعي لها وترفع الموضوع الله يرفع قدركم
يلزم عليك تسجيل الدخول أولًا لكتابة تعليق.
مالك الا تكلمين المشرفه الاجتماعيه وهي بطريقتها تدور لها صديقات
واذا كانت المشرفه من اللي ما تهتم انتبهي ترزحين لها روحي لمعلمه فاهمه
لان بعض المعلمات عن مية مشرفه
واذا كانت المشرفه من اللي ما تهتم انتبهي ترزحين لها روحي لمعلمه فاهمه
لان بعض المعلمات عن مية مشرفه
woOoOoOw
•
طيب مافي الا انكم تنقلونها وليشششش تعلمـــهم انها عايدة اولى مو لازم تقول لهم الله يفرج همها يااااااااااارب
اي والله انقلوها خلوها ترتاح ..
اخس شي تدرس وهيا فكرها مشتت ..
والله يكون فعوونكم ياارب
اخس شي تدرس وهيا فكرها مشتت ..
والله يكون فعوونكم ياارب
الصفحة الأخيرة
انقلوها حتى لو يمكن ترتاح نفسيتها وانتو حاولو تسولفون معها تعطونها وجة وكذا :)