أنين الشوق ** :

المشكلة تبدأ من قبل الزواج وإلي سببها التربية الخاطئة والمعاملة السيئة من والدي هالزوجة .. ومو شرط العنف الجسدي عشان تولد هالمشكلة ..! فـ التربية للبنت بدون احترام أو تقدير لـ ذاتها وهز ثقتها بنفسها كفيل بأنه يأصل فيها عقدة الشعور بـ النقص والغيرة .. وممكن تكون مرت بـظرف ما في أي مرحلة عمرية أثر على تركيبتها السوية فـ صارت هالزوجة متناقضة متأزمة .. وما تلقى وسيلة لأخذ حقها إلا بـ هالطريقة { المقارنة } بـ غيرها وفرض طلباتها بأي شكل وبـ أي أسلوب .. لأنو تشوف إن هالشيء فيه دفاع عن نفسها وهو ع العكس تماماً .. موقفها دايم يكون هجومي بحت ..! والمشكلة الأخطر إنو تتولد هالمقارنات في نفس الزوجة تقليد لأمها .. وهذا للأسف منتشر و نشوفه متأصل في مجتمع الأطفال قبل الكبار .. فنلاقي حتى الطفل لمن يطلب لازم يحط صورة فلان في الواجهة .. فلما تيجي طفلة بـ عمر 8 سنوات تطلب فـ تقول : ليش سارة عندها وأنا ما عندي , أبغى زيها ..؟! وهالسلوك ما يصدر من الطفل إلا إذا كان تربى في بيت تسير دفته أم لها نفس الأسلوب ...! ومن الطبيعي لمن تكبر البنت تحذو حذو أمها في بيت زوجها وهكذا وكأنو الموضوع وراثة .. فلازم من العلاج الجذري و من الزوجة نفسها لهالمشكلة وإلي يبدأ من نفسيتها ومعالجة النقص عندها .. عشان تضمن لأطفالها تنشئة سوية متزنة مريحة خالية من المنغصات ... وأخيراً .. جزاكِ الله كل الخير ع الموضوع الأكثر من رائع ..

المشكلة تبدأ من قبل الزواج وإلي سببها التربية الخاطئة والمعاملة السيئة من والدي هالزوجة .. ومو...