بنت عمي وموقفها الغريب مني

السلام عليكم ورحمة الله وبركاته
اخواتي انا بقولكم الي صار وابي رايكم بكل مصداقيه
كانت علاقتي مع بنت عمي ممتازه وعلى افضل حال لين انخطبت وتزوجت
في اول زواجي لاحظت اني لما اتكلم باجتماعات العائله تسكتني وتقاطعني وتفتح مواضيع ثانيه لكني كبرت عقلي وسكت قلت يمكن مانتبهت وماتقصد
وبعدين تطورت معاها الحاله صارت تسلم علي باطراف اصابعها وردودها غريبه وطريقتها اغرب
فلما شفت الموضوع صار يتطور كذا قلت يمكني مخبصه معاها فرحت لها بالواتس اب وسالتها عن السبب قالت لا ابدا مافيه شي وبينت انها متفاجئه من كلامي
وبعدين صارت تجي جمعات العائله بس كنها جالسه على جمر ماتصدق على الله انها تطلع منها والاسباب مجهوله ومو مفهومه حركاتها
لين جاء يوم وكلمت شخص مقرب من العائله وقالت لها اني انا امشي واتكلم عليها بين الناس فتلقائيا رحت لها انا وامي لاني تفاجئت من كلامها قلت بفهم منها الموضوع
رحنا وتكلمنا كلام كثير لارضت تقول مين تكلم ولا تبين الموضوع بشكل واضح وتطرقت لامور قديمه صارت ايام طفولتنا وبالاخير قالت يمكن الناس فهمت انكم ماتبوني من طريقة تعاملكم معاي
وبعدين بكينا وتكلمنا وبالنهايه وقبل نطلع من بيتها تصالحنا ودليل الصلح انها صارت تفرجنا على اشياء جديده اشترتها لبيتها وتسولف معانا عادي
بعدها بسنه رجعت لنفس الشخص المقرب وقالت له اصلا كلامهم لما جوني ماقنعني وانا مو فاهمه ليه يسوون كذا معي
هنا حسيتها مو منطقيه فتركتها ولا سويت اي ردة فعل التزمت الصمت
بعدها بمده جت لكم جمعه من جمعات العائله وبعدين انقطعت فتره
ورجعت تكلم اهلي وتقولهم اني اتكلم عليها واني اسوء سمعتها وانا يعلم ربي ان قطعت سيرتها وحذفتها من جوالي حتى عن حالها ماعاد اسال
ماني فاهمه تصرفتها ولا فاهمه هي ليه قلبت كذا علي
انصحوني اعايدها والا اكمل تطنيش والا وش اسوي
الحين انا لي سنتين ماشفتها تقريبا