سبحان الله ... الله مايطق بعصا ...
جلستي تمدحين للرجال في بنت الناس ... وليته بالصدق ... كلام كله مو صحيح ...
علشان تدبسين هذي البنت مع اخو زوجك .... كله علشان مصلحتك انتي ... لما انقلب السحر على الساحر... وطحتي بالحفره اللي حفرتيها بنفسك .
لو انك مصفيه النيه ... واهتميتي بزوجك وحاولتي تصرفي نظره بأسلوبك وحركاتك وتعاملك ...
يمكن مادار بال للبنت هذي ولا غيرها ..
لاتزعلي مني اختي .. كلمه حق ماقدرت اسكت عنها ..
ولك مني دعوه خالصه ان الله يصلحكم انتي وزوجك لبعض ويسخر لكم قلوب بعض ولا يجعل بينكم من يفرقكم .
اسراء200
•
روح دبي
•
الله يعينج
لا تمدحينها مره ثانيه ولا تمدحين اي شخص
.......... واذا تبين تعرفين اذا زوجج يبالها لين الحينه
قوليله
شرايك نخطب بنت عمك حق اخوك
شوفي شو ردة فعله
لا تمدحينها مره ثانيه ولا تمدحين اي شخص
.......... واذا تبين تعرفين اذا زوجج يبالها لين الحينه
قوليله
شرايك نخطب بنت عمك حق اخوك
شوفي شو ردة فعله
والله خواتى احس انى مب بمقصرة معاه في شئ وهذا بشهادته هو وحتى الناس يمدحونن قدامه ولانى مو مخليه عليه قاصره وكل شئ ممكن يرضيه اسويه حتى لو كان على حسابي لاني اغليه مرررره ومدلعته وحافظة الحمدلله بيته واولاده في حضوره وفي غيابه وحاطه اهله على راسي وهذا ظنى وان شاء الله انه صواب ( بس عنده خواتى ياكااااااااافي الشر عليهم غيرة مب طبيعة ان صبغت قالو صبغت وسوووا مثلي وان حملت حملو حتى لما كنت اكمل جامعتى راحوا كملو المتوسطة مع انهم اكبر من زوجي فيهم غيرة ماكلتهم اكل منى مع ان زوجى مايعاملن ذيك المعامله قدامهم خصوصا وانا اعرف انهم هم اللى يحرضونه ضدى بس ادعو ان الله يرد كيدهم في نحرهم ويشغلهم بانفسهم عنى ويصلح لي عيالي ويسخر لي زوجي
اختى اسراء مب انا اللي مو مصفيه النيه بالعكس بس انا من حقي ادافع عن بيتي وزجي باللي اقدر عليه وبعدين انتى ليش حكمتى ان البنت اذا تزوجت ولد عمه بيتدبس فيه بالعكس صحيح هى كبيرة شوى ومب حلوة الله يستر عليه بس مهتمة بنفسها ومتعلمة وكمان مدرسة وانا ماالومه اذا حاولت تاخذ زوجى بعد هى بتشوف مصلحتها بس الله يبعدها عن زوجي ويرزقها في ديرة بعيده عن الرياض وضواحيها ومشكورررة ياعسل ياسراء 200 ومشكورين كل اللى ردو عليه الله يسعدهم
اختى اسراء مب انا اللي مو مصفيه النيه بالعكس بس انا من حقي ادافع عن بيتي وزجي باللي اقدر عليه وبعدين انتى ليش حكمتى ان البنت اذا تزوجت ولد عمه بيتدبس فيه بالعكس صحيح هى كبيرة شوى ومب حلوة الله يستر عليه بس مهتمة بنفسها ومتعلمة وكمان مدرسة وانا ماالومه اذا حاولت تاخذ زوجى بعد هى بتشوف مصلحتها بس الله يبعدها عن زوجي ويرزقها في ديرة بعيده عن الرياض وضواحيها ومشكورررة ياعسل ياسراء 200 ومشكورين كل اللى ردو عليه الله يسعدهم
والله اكبر غلطه ان المرأه تمدح امرأه اخرى قدام زوجها .. تراه حرام لعلمك علشان تعرفين وتتوبين .. وتحرمين انج ماتمدحين اى وحده قدام زوجج حتى لو كان لأخوه لأبوه لجده حتى ...
وهذى النتيجه ..................استغفر الله
سالفة وحده بمجلس حريم دايما تشوه الحريم قدام زوجها وتقول والله يابو فلان شقولك بس الله يستر على بنات الحلال .. اللى جنوبها طبقات .. واللى جسمها ساترن عليه العباة .. واللى واللى
سألتها بيوم ليه انتى دايما تشوهين الحريم بطريقه مقرفه عن زوجج .. تدرون اشقالت ...
تقول والله مابديت بهالسالفه الا عقب ما صار لى شى ماتصدقونه ...
تقول مره رجعت من عرس واوصف الحريم لزوجى قلت والله فلانه ياحلو رجولها .. يازين سيقانها ملفوفه .. تبارك الرحمن ... وتمدح وتمدح بحسن نيه ...
المهم تقول بعدها بشهور مدرى سنه تقول كنا نمشى بمكان عام .. مدرى على البحر قال زوجها فلانه تشوفين المرأه اللى قدامنا .. مو كنها نفس المرأه اللى وصفتيها لى مره تقولين سيقانها واشزينها ............... المره انهبلت .......... تقول انا استغربت اشلون يتذكر وماينسى .. ومره تقول مدحت بنت تبى تخطبها لولدها شوفى ولاحظى .. لولدها مو لاخو زوجها .. المهم ان زوجها قال ماعندها خوات ..؟؟؟؟؟؟؟؟؟؟؟؟؟؟ شايفه الرجاجيل استغفر الله عيونهم زايغه .. ومايصدقون اى وحده نمدحها لان الصوره خلاص ترسخ فى بالهم ...
تقول المراه من يومها وانا اشوه فى هالحريم واشكالهن .........
ياليت تتعلمين منها ... واتمنى لج التوفيق مع زوجج
اتمنى من الكل واللى يقرا ردى انه يدعو لأبونا وشيخنا جابر الاحمد رحمة الله عليه ..
اللهم ارحمه واغفر له , واجعل فردوسك الأعلى مثواه , اللهم أبدله داراً خيراً من
داره , وجواراً خيراً من جواره, اللهم آنس وحشة قبره , اللهم ثبته عند السؤال ,
اللهم نقه من الذنوب والخطايا , كما ينقى الثوب الابيض من الدنس
اللهم امين
وجزاكم الله خيرا
وهذى النتيجه ..................استغفر الله
سالفة وحده بمجلس حريم دايما تشوه الحريم قدام زوجها وتقول والله يابو فلان شقولك بس الله يستر على بنات الحلال .. اللى جنوبها طبقات .. واللى جسمها ساترن عليه العباة .. واللى واللى
سألتها بيوم ليه انتى دايما تشوهين الحريم بطريقه مقرفه عن زوجج .. تدرون اشقالت ...
تقول والله مابديت بهالسالفه الا عقب ما صار لى شى ماتصدقونه ...
تقول مره رجعت من عرس واوصف الحريم لزوجى قلت والله فلانه ياحلو رجولها .. يازين سيقانها ملفوفه .. تبارك الرحمن ... وتمدح وتمدح بحسن نيه ...
المهم تقول بعدها بشهور مدرى سنه تقول كنا نمشى بمكان عام .. مدرى على البحر قال زوجها فلانه تشوفين المرأه اللى قدامنا .. مو كنها نفس المرأه اللى وصفتيها لى مره تقولين سيقانها واشزينها ............... المره انهبلت .......... تقول انا استغربت اشلون يتذكر وماينسى .. ومره تقول مدحت بنت تبى تخطبها لولدها شوفى ولاحظى .. لولدها مو لاخو زوجها .. المهم ان زوجها قال ماعندها خوات ..؟؟؟؟؟؟؟؟؟؟؟؟؟؟ شايفه الرجاجيل استغفر الله عيونهم زايغه .. ومايصدقون اى وحده نمدحها لان الصوره خلاص ترسخ فى بالهم ...
تقول المراه من يومها وانا اشوه فى هالحريم واشكالهن .........
ياليت تتعلمين منها ... واتمنى لج التوفيق مع زوجج
اتمنى من الكل واللى يقرا ردى انه يدعو لأبونا وشيخنا جابر الاحمد رحمة الله عليه ..
اللهم ارحمه واغفر له , واجعل فردوسك الأعلى مثواه , اللهم أبدله داراً خيراً من
داره , وجواراً خيراً من جواره, اللهم آنس وحشة قبره , اللهم ثبته عند السؤال ,
اللهم نقه من الذنوب والخطايا , كما ينقى الثوب الابيض من الدنس
اللهم امين
وجزاكم الله خيرا
الصفحة الأخيرة
ونصيحه يا اختي الوقت والجهد اللي تقضيه في التفكير في اللي حصل او في التفكير في بنت عمه استغليه في التفكير في الشئ اللي يحبه زوجك ويقربك له وخليه ينسى كل شئ جنبك يمكن تكون حاجات بسيطة بس انتي ما انتبهتي لها
ولا تنسي اختي الحكمة اللي تقول : واثق الخطوة يمشي ملكا