موجة صوتية @mog_soty

عضوة جديدة

بنت في الجامعة اتعبتني.

السلام عليكم
طبعا هذي اول مشاركة لي هني....
مادري شقولكم بالضبط ....لكن لازم اتكلم ولازم تساعدوني انا مستعينه بالله ثم بكم...
ارجوكم لاتبخلون علي باي شي لو الدعاء ارجوكم...
مشكلتي اخاف اذا قريتوها تقولون ياصغر عقل هالبنية هذا شي يزعل هذا شي ينكد هذا شي يخلي البنت المتفوقة تهمل دراستها وتكره جامعتها هذا يخلي بنت تنوح وتبكي ولا تعرف تنام ولاتصلي ...
يا اخوات انا راح اقولكم قصتي باتفصيل لكن رجاء لاتستهينون فيها الله يخليكم..

اول سنة لي بالجامعة كنت اشوف هالبنت وكانت من اهل الصلاح (احسبها والله حسيبها)يعني تساعد في الأنشطة الدينية ومن ها الاشياء........ماكانت تعنيلي شي كثير الا ان اهتمامها بمظهرها كان عاجبني شويا (وهذا نااادر تحصيلينة في البنات المتدينات) فكنت اقول بسري ما شاء الله عليها ما اهملت دينها ولا دينياها ....وما حاولت اني اتابعها او اسال اهي وين تدرس او شنو اسمها .....لانها ماتعنيلي شي زي ما قلتلكم.

وفي السنة الثانية واااااخ على السنة الثانية صرت اشوف في ويهها اشياء تخصني احس اني اعرفها من زمان
مادري شقولكم اذا شقتها يجي في بالي صورة مشوشة ذكريات قديمة اشياء كثيييييييييييرة .......... كان نفسي اتعرف عليها نفسي اصافحها واسلم عليها ........سالت عنها! وصارت بنفس مرحلتي ونفس عمري وعائلتها من نفس عوائل منطقتي بعد والكل يمدح اخلاقها ......
ومن هنا بدت سالفتي معاها كنت اكتفي بشوفتها واحرص عليها وصرت احلم فيها وافز من النوم كم مرة.....ولما كلمت زميلتي عنها قالت حشا صار اعجاب وكل ما شافتهاا قالت شوفي حبيبتك , كنت اتنرفز منها واعصب واقول هاي حركات مراهقات انا ما احب هالكلام الاعجاب شذوذ وهو سبب البعد عن الله وانا اسلك طريق الالتزام وفي كل لحظة(ان شاء الله) ازيد قرب لمولاي وخالقي..
كنت اقول احس اني اعرفها احس انها قريبة لنفسي انا احب هالبنت ايه واحب زميلاتي وصديقاتي وكل مسلم صالح اكذب عليك اذا قلت اكرهها.......او اهي اطالعني بنص عين واتقول اذا جادة روحي سلمي عليها....

سكت واقلت بنفسي اسلم عليها زين شقول لها وقررت اني ما افتح ها لموضوع مرة ثانية عشان ما احد يفهمني غلط مثلها ....
وبدت المساله تتطور بشكل مخيف مع الوقت والكتمان.... صرت اضيق اذا ماشفتها واستبشر واضحك من اشوفها صرت ادورها اشوف اهي وين تجلس ومتى تطلع تقعد مع مين في كل لحظة واقول في كل لحظة افكر فيها في صفحات الكتب اشوفها وبين الحروف والاسطر.... اسرح بكثرة قبل لانام اهي في بالي وبعد ما اقوم وفي احلامي ....
صرت افكر وافكر وافكر وافكر فيها احس اعصابي ما صارت تتحمل اخاف انجن والله اخاف انجن من كثر التفكير صرت ابتشي من القهر على نفسي واقول اهي منو عشا ن تاخذ الحيز هذا كله؟!
تعبت والله تعبت تعبت تعبت صرت اكره الجامعة لاني انبسط بشوفتها مرة واتعذب مرات ومرات واذا شفتها تخنقني العبرة وفي اخر مرة جلست ابشي قدامهم من الالم واهم ما يدرون عن النار الي في داخلي...
تخيلوا انا مخطوبة الان وامتحاناتي قربت لكن اهتمامي بها الموضوعين ما يساوي واحد بالمية من اهتمامي بذيك البنت !!
اااااااااااااااه و اااااااااااااه
خابفة على نفسي وصحتي ودراستي وعقلي ايه عقلي لانه تعب.. اخاف اتمادى ويتطور المضوع واغرق في اوحال ما اقدر اطلع منها ............
وقبل هذا وذاك.وخايفة من ربي يابنات, اقول الي يصير معي يرضي الي خلقني؟؟ لكن والله موبيدي موبيدي يارب ...ادعي وادعي الله يصبرني على هالأبتلاء و المصيبة ولا ياخذني و افتك....مادري شسوي
شنو الحل ؟ اترك الجامعة عشان ما شوفها ؟ اترك مجالس الذكر عشان ما اشوفها؟ اشق راسي واطلعها!؟
شسوي تكفون ؟

الله يجزاكم بالجنة ويفرج عنكم كل كربة

يلزم عليك تسجيل الدخول أولًا لكتابة تعليق.

تسجيل دخول

نور القلوب • 20 سنة

موجة صوتية

اول شيء السلام عليكم ورحمة الله وبركاته

عزيزتي موجة صوتية,,,,,

تصدقيني لو قلت لك اني حاسة بكل كلمة كتبتيها، حاسة انها ترسم اللي بداخلك وتمثل صورة من واقعنا ........ أكيد بتسألين كيف حاسة؟؟؟؟؟

وساعتها راح أقولك ..... اني شفتها بعيني وتعايشت مع ظروف مشابهة وعشرات المرات من المجتمع اللي حوليني...... وخصوصا بجامعة الامارات ...... أعرف انه هالموضوع منتشر بصورة كبيرة

عزيزتي موجة صوتية

معرفتك للمشكلة يعني انك حليتي نصها ......... والنص الباقي بلارادة ممكن ينحل

حبيبتي ....

ممكن تحولين المشكلة بشكل ايجابي........... بأنها تدعمك لتكوني الأفضل

اعني أنك ممكن أن تصادقيها......حينها ستعيشين في الواقع وهناك احتمالان؟

قد تكتشفين أن الصورة التي رسمتها لها في مخيلتك صورة مثالية بحد كبير وانتي فقط احببتي الصورة....... عندها سيقل هذا الاعجاب تلقائيا.

أو

انها ستكون بنفس تخيلاتك....... وعندها ستكون صديقة لك ومع الأيام ستكونان قريبتين من بعض وستشجعان بعض على قيام الليل مثلا

اسفة لازم اروح الحين ولي عودة

موجة صوتية • 20 سنة

هلا اختي نور القلوب...
اصادقها
هذي امنيتي لكن شلون.... ودي تتكون صداقتنا بشكل طبيعي يعني بدون تكلف وبدون ما تحس اني قاصدة هالشي..
.......
خوات معقوالة انا قاصدتكم بعد الله ......يعني ما عندكم حلول الله يسامحكم

@ الرسامة @ • 20 سنة

يا حبيبتي

المرحلة اللي انتي قاعدة اتعيشينها مؤقتة واتوقع الكل عاشها واهي مرحلة اعجاب بشخص اخر حتى لو ان الشخص الاخر من نفس الجنس
وصدقيني راح تختفي المشكله هذي وسببها نقص موجود عندج يعني انج تفتقدين اهتمام الوالدة او الوالد او اي شخص عندج بالبيت
واتوقع ماكو اشكال اذا تعرفتي على البنت هذي عن طريق سؤالج لها عن امر ديني او محاضرة من المحاضرات وبعد شوي سلمي عليها كل ما تشوفينها وبعدين اذا لقيتيها بروحها قعدي معاها شوي لين تصادقينها
وماكو داعي انج تتركين الجامعة لان هذا همره ماكان حل

عموما انا كنت مثلج والحين بعد ما صار عمري 25 سنة قمت اضحك على هالايام لانها مثل ما قلت لج مرحلة وتعدي0

اختج
@ الرسامة @

البرقع • 20 سنة

:24:

أفكر فيك • 20 سنة

عادي اختي ...
روحي لها وسلمي عليها ..وتعرفي ...وفيه اساليب كثيرة للتعرف ..

يعني مثل ماقالت الأخت ..اسأليها عن سؤال
أو قولي لها أنا مشبهة عليك وناسية وين شايفتك ...أنتي وين ساكنه ومن أي مدرسة متخرجة ..حنا عائلة الفلان نعرفهم ..هم الي من منطقة كذا ...أنتي منهم ...ماعمرك سمعتي بعائلة (اسم عائلتكم ) .......وبعدها تشوفين الكلام يسحب بعضه ...والإعجاب المعقول مافيه شيء ...
واتوقع أول ماتتزوجين تنسيييين كلشيء ويتحول اهتمامك لأبو عيالك