بنت كانت تعرف زوجي من قبل الزواج والحين رجعت تراسله،،وش الحل معها؟

السلام عليكم،،
خواتي حبيباتي،،الله يسعدكم،،
انا صار لي سنتين متزوجه وفي اول زواجنا حكى لي زوجي عن وحده مو من السعوديه كان يعرفها في ايام المتوسطه يعني من قبل ست او سبع سنين وكان يحبها ويبيها لدرجة انه طلب من اهله يخطبونها له وهذا الي صار خطبوها،،بس انها ماكانت تتحجب وطلب منها تتحجب بس رفضت وبعدها زعل وتركها ومن بعدها كبر ونساها ولا جاب طاريها وهي تزوجت،،وجاء خطبني من قبل سنتين وهذا الحين انا متزوجته،،انصدمت اليوم جايني يقول ان في وحده ارسلت له على الواتس تبي تكلمه وتعاتبه لانه سبها وشتمها في ذاك الوقت وذكرت اسمها وتذكره بالحب الي كان بينهم،،وعطاني الجوال اقرا الرسايل ونبهني ان اذا جاء على جوالي اي رقم غريب ابلغه،،وانا خفت وزعلت بس قلت ابكبر راسي واساله واناقشه وطلع يقول ان هي ماهمته ويحلف لي انه نساها وانه يكرها ولاجت على باله ويقول لو اني مايل لها ماكنت جيت وبلغتك برسالتها،،بس زوجي محتار كيف وصلت لرقمه وش تبي منه بعد كل هالوقت ويقول لي ابي اسايرها حتى اعرف من وين جابت الرقم وش تبي،،انا مارديت عليه وكان نفسي اقوله سولها بلوك بس ما ادري وش ربط لساني،،
وبعد يابنات اول ماارسلت له تساله زوجتك وينها وتقول ما ابي اتكلم معاك وهي بجنبك،،انقهرررررررت وربي،،
قولوا لي اخواتي الله يوفقكم وش اسوي والله جالسه من اليوم افكر والوساوس تروح وتجي واحس راسي بينفجر،،هي وش تبي من زوجي وليه رجعت ترسله ومين معطيها الرقم و وش قصده بهالحركه،،على فكره انا وزوجي صار لنا فتره مشاكل وهواش ولما رحت لمطوعه قالت لي ان فيني نفس قويه ومن ناس قريبه مني وتراقبني بكل صغيره وكبيره وزوجي بعد فيه نفس قويه لدرجة انها اذا صلى او قراء قرآن يتعب ويدوخ،،والله خايفه يابنات منها،،معقوله تسوي لنا شي يضرنا او مين الي حاطنا بباله ويبي يخرب حياتنا وليش وش يبي فينا،،
انا شاكه ان في من خوات زوجي من ابوه مايبغون لنا الحياه الزينه لانهن قد فرقن بين اخوهن الكبير وزوجته وطلقوها منه،،
خواتي ادري طولت بس والله ماقدرت انام الا لما اسولف لكن وافضفض لكن يمكن تفهمني وتنورني بشي انا مو فاهمته،،
انصحووووووني الله يسعدكم،،