بنت متدينه تدمر نفسها وأختها تشوفها ومو قادرة تسوي شئ ....ساعدوها

السلام عليكم ورحمه الله وبركاته

تحيه طيبه للجميع

وأسمحولي أدخل في الموضوع على طول أرجوا أنكم تتحملوني إذا طولت عليكم
لأن المشكلة تخص صديقتي وأحب أذكرها بصورتها الحقيقيه وأرجوا أنكم تعطوني حل للمشكلة في البداية لاحظت صديقتي مهمومه ودايم سرحانه سألتها ولكن كل مره تقول مافيني شئ لحد ما أصريت عليها وقالت ان (أختها أصغر منها) متغيره كثير خصوصاً لما خطبها أحد أقاربها ورفضوا أهلها كلهم لان الولد يدخن ومتفتح زيادة عن اللازم(كما يقال) والبنت متدينة ولكن البنت موافقة مع العلم ان البنت خطبها أكثر من واحد وكلهم مافيهم الا عيوب بسيطة وترفضهم ولكنها ايضاً قريبها لايمثل لها شى
ولكن تقول أنه أفضل واحد تقدم لها وبعد ما ارفضوا أهلها قعدت نايمه على فراشها يومين وتركت الدوام مع العلم أنه أثناء الخطبه كانت تجيهم معاكسات على الهاتف
وكانت صديقتي ترد علية وتسكر وشكت في قريبهم وقالت لختها ..لاحظت أن أختها عادي عندها ولاكرهته. بعد ها الموضوع بفترة تقريباً 3أسابيع او أكثر وتقريباً نسينا الموضوع صارت تيجي لاختها مكالمات ورسائل على الجوال خصوصاً آخر الليل وفي كل مره رقم غريب وهي طبعاً كعادتها ترد وإذا سمعت واحد يحاول يحتك فيها تقفل الجوال بعدها بفترة كثرت المكالمات في الليل لدرجه ما صروا ينامون فيها وبعدها بكم يوم سمعت الجوال يدق في الليل وردت أختها ولكن بصوت نااااااااعم وخافت صديقتي كانت نعسانه وسمعتها وانصدمت بس ما صدقت لانها عارفة أختها زين ولاتشك فيها أبداً خصوصاًانها كانت متدينه وكانت تحرص على أنها تصحي أخوانها لصلاه الفجر كل يوم و متسترة في لبسها للعبايه لدرجه كبيره وكل يوم تقرأقرأن وطبعاً صديقتي تذكرت هاذي الأشياء ورجعت ونامت وعلى هاالحال كل يوم ولكن لاحظت صديقتي أن أختها متغيره كثييير مثلاً تحب تزين وتدلع دلع زائد وتحب تذكر مدح زميلاتها فيها وتحب تجلس لوحدها مع العلم انها لسى متعينه في مدرسه بعيدة ومعاها وحدة تقول عنها أول ما تعرفت عليها أنها بنت ماهي مضبوطة وتحب تتكلم عن الحب قبل الزواج أنه مافيه شئ وتحب تتكلم عن الزواج ودايم تسأل أختها أنتي تزوجتي او لا. بعدين جاء اليوم ألي أنصدمت فية صديقتي يوم دق الجوال في أخر الليل الساعه 3.45 واحنا في الأجازة ونايمين وردت أختها أيضاً بصوت ناعم وخفيف حاولت تسمع وما أسمعت ألا (الله يجبر بخاطرك) وبعدها سكرت. صديقتي أنصدمت وسألتها من ؟ وتغيرت نبرة صوت أختها وقالت هاذي فلانه داقه علي سألتها ليش ؟ قالت بقولك بعدين!! وهي شكلها مرتبكه المهم هي مانامت من الخوف وصديقتي ما نامت من الصدمة وكل وحدة تسوي روحها نايمة لحد ما أذن الفجر . حبت تتأكد صديقتي وما تظلم أختها أنتظرتها لحد ما تقوم وتصلي عشان تشوف الجوال والرقم ولكن ما قامت وكل وحد تنتظر الثانية تقوم لحد ما قامت أختها ولكن أخذت الجوال معها!!!
وفي هذا اليوم قالت لها أن الي داق زميلتي في المدرسه أنها داقه تتأسف علشان أخوها كان يلعب بالجوال ودق عليها!!! صديقتي همها في هاذي الحاله الجوال تبي تحصل عليه ولكن أختها وين ما تروح تأخذة معاها وطبعاً صار كل ليلة الجوال يدق
وهي تدري ان أختها تدري عنها وقالت لاختهم الصغيرة أن فلانه شاكة فيني .وأخيراً
حصلت على الجوال وهو يدق أخر الليل وطبعاً على الصامت بس شفت نور الجوال تحت الوسادة وأخذت الرقم وخزنته عندها وبعدين صارحتها ولكن بطريقه حلوه علشان تفضفض لها ولكن صارت تهزئها وتكذبها وفي عيونها الدموع صدقتها وقالت (أن صديقتها في المدرسه تقولي عادي لو تكلمين شباب وتقول هذا المفروض قبل الزواج!! )هذا من باب السوالف. ولكن الشك لازال موجود بعد شهر وكل شئ طبيعي وما صار فيه اتصالات أخر الليل صارت تلاحظ أختها تروح للمجلس وتقفل الباب وتقعد ساعتين أقل أو أكثر صارت صديقتي تدق على جوال أختها أثناء هذا وتلاقيه مشغول وعودت أختها تخبي الجوال عنها واذا اخذته سراًً مالقت الرقم والأسم الي مخزن تحته الرقم تغير الرقم الى رقم بيت وطبعاً وصديقتي مخزنه الرقم من قبل بس يوم راحت تدوره عليه ما لقته وصارت كل يوم على ها الحال وهي تنكر وأختها ماتقدر تسوي شي. وهي الان مهمومه وحاسه أن أختها تدمر نفسها ولا تقدر توي شئ


أدري طولت عليكم ولكن أرجوكمممممممممممممم ساعدوها بحلول من عندكم
وقولوا وشلون تتأكد أكثر من هذا الشك وهل في رأيكم صديقتي معها حق في هذا الشك ؟


أرجوا من الأخوات المشرفات عدم حذف أي شي من هذا الموضوع حتى يتضح للأخوات الصوره (وبعدين هي أمانه علي من صديقتي ) فأرجوا التعاون. وشكراً