السلام عليكم
كيف حالكم
حبيت اكتب مووضوع عن بنت اعرفها حالتها غريبه مع امها وابوها خصوصا امها تخيلوا عمر البنت وصل 18 وهي من كان عمرها 10 سنوات وهي محاربه اهلها وساكنه عند جدتها ماتبي طااري ابوها وامها ابدا تكرههم بشكل ماتتصورونه تدعي عليهم وتتلفظ عليهم بالفاظ قبيحه ووقحه طبعا مو قدامهم لانها تخاف من ابوها يضربها بس قدام امها عادي ومره ضربت امها ومافكهم الا اخوها الكبير وكل مره تتضارب هي وامها تقولين اعداء ومستحيل تقول امي وابوي تسميهم بأسماء استحي اقولها ولاعمرها تكلمت معهم الا ابوها لانها تهابه تظطر تجاوبه وتطلب شي منه بعد وهي كارهه بس غصب عليهاا خصوصا اللبس وحاجات المدرسه تحتاجها ابوها يعاملها بقسوه احيانا من القهر اللي فيه لكن اوقات يرحمها ويقول يمكن اذا كبرت شوي تعقل بس مافيه فايده البنت بتدخل العشرين اللحين مابعد هالكبر كبر خلاص والله الام تبكي دم تتمنى تجلس مع بنتها تحس بكبرها تخيلوا البنت بلغت ماشاء الله وامها ماعرفت الا من جدتها كسرت خاطري امها مره مسكينه حتى بالاعياد ماتسلم ولاشي وامها تشوف بنتها تلبس وتتكشخ وتتمكيج وتطالع فيها وهي تبتستم البنت صارت عروس واحلوت ومااستمتعت فيها ولاحست فيها وهي تكبر
هذا عقوق صريح والبنت بلغت وبتتحاسب اكيد لكن وش الحل بنات مره وحده من عماتها قالت لها وين امك قالت لاتقولين امك ماهي امي وتدعي عليها وصارت تصارخ وتهاوش عشان بس قالت امك حتى ان امها مسكينه تروح السوق تشوف حاجات تناسبها وتعجبها وتشتريها وتقول لجدتها عطي فلانه وقولي لها انك انتي اشتريتيها لانها لو عرفت ان امها مشتريتها مستحيل تاخذه
اللحين البنت تدعي تقول متى اتزوج عشان خلاص اقاطعهم وربي مصيبه تفكيرها البنت عاصيه
واللي محيرني البنت سليمه مافيها امراض لاسحر ولاحسد ولاعين ولامس طبيعيه مره ولاامراض نفسيه عادي بمدرستها متفوقه ومؤدبه وتسولف طبيعيي معك مافيها شي بس مع والديها لا تطلع بوجه ثاني
حسست نفسها باليتم واهلها موجودين حرمت نفسها حنان الام والاب
فيه احد مثلها وعندكم حل والله اميمتها متقطع قلبها هذا جزاها تتعب فيها وتلاقي عقوق
ودعواتكم لها تكفون الكل يفكر بحالها
بيتهم دورين الجده تحت هي وياها والاهل فوق وعلاقه الجده بولدها وزوجته مره زينه وتحبهم وتحترمهم وهم نفس الشي وولدها بار بأمه ان شاء الله وزوجته محترمه ولاقصرت وتدعي لها الجده
والجده غعير راضيه عن البنت بس وش بيدها زعلت وهاوشت مافاد بقلبها رحمه عليها وتعبت توجه تنصح الله يصلح الحال
ولااحس ان فيه شي صار قبل ماقد ضربوها اهلها ضرب قاسي ضرب عادي يعني للي يغلط من صغرها طبيعي امها مو قاسيه لذي الدرجه بالعكس بس فجأه قلبت لا حول ولاقوة الا بالله
مشاعر متوفيه @mshaaar_mtofyh
عضوة جديدة
يلزم عليك تسجيل الدخول أولًا لكتابة تعليق.
لازم توعوها وجدتها لازم تعيد الموضوع عليها دايما وتقولها كيف تتوفقين وانتي عاصية والدين وتخوفها بان اولادها بيسوون نفس الشيء فيها
الصفحة الأخيرة
انا مازكي البنت
بس صدقيني فيه سبب البنت ماصارت كذه الا فيه سبب
يمكن لما كانت صغيره شافت موقف تعلق بذهنها يمكن امها حرشت ابوها عليه مره وقام الاب وضربها وانحفرت بذاكرتها ولا ايش يخلي البنت تلجا للجده طيب اذا هي انسانه عدوانيه ليش ماكرهت الجده
او يمكنن امها وابوها كانو مايعاملون امهم وابوهم زين عشان كذه ربي ابتلاهم