السلام عليكم
كيفكم خواتي
الله يجزاكم خير يارب وييسر لكم
ابيكم تساعدوني
انا طالبة بكلية الفارابي بمخرج 10 وبيتي بمخرج 14 قريب من مجمع بشرى
كنت اروح مع سواق مصري من ترمين وسعره مرره كويس 250 وهالترم بديت اطبق وتطبيقي قريب كمان بالنسيم بس تطبيقي مسائي من 2 الى عشره ويوم واحد في الاسبوع بس والباقي بالكليه بالصباح فصرت ازيده من نفسي وعطيته 300 ريال لانه كان هو مره محتاج
الموهم انا اعطيه راتبه يوم 24 من كل شهر
وقبل كم يوم عطيته حق الشهر اللي راح
الموهم قال لي انو عمله الاساسي راح ينقل برا الرياض يعني مررره تورطت ولي يومين مارحت الكليه وبكرى اليوم الثالث سبب غيابي هالسبب اللي قلت لكم انو السواق اللي اتعامل معاه راح وشركات النقل قالو لي لازم يكون معاك طالبات ولنفس الكليه وغير كذا اسعارهم مو معقوله 400 وفوق
من غير التطبيق بالله عليكم اللي عندها ارقام سواقين واسعارهم معقوله تعطيني اياها عالخاص او هنا او باي طريقه
وغير كذا اللي عندها سواق خاص بدال مايجلس بالبيت تخليه يوصلني وانا بأعطيها السعر
وخاصه اذا كانت معلمه احس الأوقات مرره بتناسب اوقاتي
انا جدولي
السبت والاحد والاثنين من 8ص الى 1.15 واحيانا اقل
يعني بيصير عند باب بيتي الساعه 7.30 او 7.40 والخروج مو مشكله انا اتصل لما اخلص
والثلاثاء من 9 الى 11 ص مو مشكله لو جاء مثل عادته من 7.30 بس الافضل يكون عندي 8 او ثمانيه ونص ووقت الخروج مثل ماقلت مو لازم وقت محدد
والاربعاء من 2 م الى 10 م
يعني يجيني الساعه 1وربع وحده ونص
وللحين ماثبت جدول الثلاثاء والاربعاء
ممكن يصير من 4 م الى 9 م
بس بالله عليكم ساعدوني مررره محتاجه وخاصه اللي عندها سواق خاص فيها وماهي مستفيده منه بالصباح تعطيني رقمها اتفاهم معاها واذا السعر مومناسب بحاول ازيد قد مقدر بس وربي حالتيصعبه لاكليه اروح لها ولاشي
وربي لايحرمكم الأجر وييسر لكم ويفرج همومكم
ســــاعــــدووووني بأسرع وقت
واتمنى ارجع والقى ردود ويتيسر امري وربي ييسر كل من حاول ييسر امري
وربي وربي اني محتاااجه حيل الله يخليكم لاتبخلون علي
ولاتعطوني ارقام شركات لاني اتصلت كثير على شركات وماتفاهمو معاي
يقولون مافيه الاربعاء والثلاثاء وغير كذا لازم اعطيهم 400 وزياده
والله يجزاكم خير ياحي ياقيوم
هذا الكلام من بنت غالية علي أفزعو لها ماعندها نت حاليا وأنا فازعه لها
لاتتركونها وأحتسبو الاجر عند الله00
بنت الحريق @bnt_alhryk
عضوة نشيطة
يلزم عليك تسجيل الدخول أولًا لكتابة تعليق.
الدنيا اخذوعطاء
•
رفع لو اعرف احد ولايهمك
الصفحة الأخيرة