بنت وولد والموقف اللي صار قدامي

اهلين كنت مترددة اكتب الموضوع بس قلت للافادة وعشان الأمهات ينتبهون لعيالهم قد مايصير من مشاكل وتحرشات من الصغار والكبار إلا مازال الإهمال موجود احكي لكم عن موقف صار بحديقه وكنت العب بنتي الصغيرة واطفال ثانيين يلعبون واغلبهم بشغالاتهم واقفين معاهم وأنا العب بنتي كان فيه بنت عمرها مابين 8إلى9 في هالحدود واسم الله عليها ملامحها جذابة وجالسه تلعب وتسولف مع ولد عمره كذا حول 12 او 13 فكرته بالبداية اخوها المهم تسولف وتعدد له اسماء اخوانها واخواتها وبعدين يوم سألها عن اخوها وينه عرفت انه مايعرفها المهم يابنات البنت تنطنط من مكان لمكان هو يطارد وراها ويسولف معها ونظراته حسيتها نظرة كبير لبنت صغيرة انا خفت حتي هو بعدين انتبه اني داخله خط معهم البنت ببراءة تسولف معه وهو احسه مريب شوي قالها تعالي نروح. هناك لعبة اللي يتسلقون فيها خلاها هي تطلع بالبداية والله يابنات نظراته مو على قد ينه قاعد يطالع فيها لما طلعت المهم شوي جو جهتي وهو ماشي يقول تجين بكرة بها الوقت قالت ماادري اشوف امي وراح هو وبعدها هي اختفت ورجعت مرة ثاتيه ورجع بعدها قال خلاص تجين بكرة قالت لا امي رفضت قال طيب بعد بكرة المهم. شوي مشى وانا رحت نادى علي زوجي وانا راجعه ابغي اشوف أم البنت وينها الا الشغاله راجعه مع البنت والأم ماادري وين لاهية عن بنتها بها العمر ماحد يتركهم ولايستأمن على شغالة قاعدين يسولفون وتاركين العيال انا والله حزنت علىالبنت تلعب وتسولف ببراءة وهذاك اعوذ بالله ماكأنه ولد صغير مايجي في بال الواحد انه ممكن يأذي غيره بها الزمن صاروا الأطفال منفتحين وكل شئ قدامهم. عاد انا بعدين قعدت افكر هل أنا موسوسة بزيادة حتى عيالي دايم احرصهم من خوفي عليهم واستودعهم الله كل مابعدوا عني وهذا اقل شئ الوحدة تسويه اذا مابتجلس وراء عيالها حصنيهم علئ الأقل وربي يحفظهم من كل شر عارفه اني طولت بس قلت للفائدة وللتنبيه يمكن مايخطر ببال وحدة انه يكون هناك تحرشات وفيه اماكن لعب الأطفال ماتضمن الله يحفظ عيالنا جميعا ويحميهم من كل مكروه يارب