بنجلط من شغالتي

خواتي ابي اخذ رايكم بمشكله مضايقتني حيل انتوا طبعا عارفين ان رمضان على الابواب الله يعينا وياكم على صيامه وقيامه مشكلتي عندي شغاله اثيوبيه ويعلم الله اعاملها بما يرضي الله بالفتره الاخيره صارت جدا وقحه ولسانها طويل وترد لي الكلمه عشر واذا مدة بوزها خلاص ماتعبر حد واذا طلبتي منها شي ماتوقف وتستوضح شوتبين لا تسيبك وتعطيكي ظهرها ولما اعصب منها تلتفت لي وتحط يدها على خصرها وتقولي بكل وقاحه (سمعتك وبعد؟) اليوم مثلا زوجي جايب اغراض وقالي افتحوا البوابه بدخل السياره واناديها لمن هلكت وهي جنبي بالمطبخ وحاقرتني ولما قلتلها ماتسمعين قالت بلى سمعتك والله يابنات بغيت اكفخها بس تذكرت (والكاضمين الغيض والعافين عن الناس) الحين مابيها كارهتها حييييل بس خايفه من كرف رمضان ابي قرار صائب ماندم عليه مع اني عارفه انها بتعلني في رمضان هي صار لها عندي سنتين وجددت وتفرعنت بعد التجديد