بنجن من هالحالة !!!!!!!! ساعدوني

السلام عليكم جمعيا
والله مدري مكان موضوعي صح ولا لا......!!
المهم حديثي عن ولدي الله يهدية والله قربت انجن منة مليت بالعربي افكر اودية عند ابوة عشان يعرف قدري !!((وقت الزعل ولا هو قلبي مااقدر ابعدة عني الا عند اهلي ))!!
الزبدة ولدي عمرة 5 سنوات من زوج سابق وهو عايش عندي وزوجي الحمد لله يحبة لانة كان محروم من نعمة الاطفال والله رزقنا بولد الحمدلله قبل سنتين والله يصلحهم المهم الكبير ويدرس تحفيظ قران العصر ولا بدا يروح بلحالة الا من اسبوعين الحمد لك يارب بدا يفهم امور كثير ويعتمد على نفسة
لكن الموت الاحمر التغيرالي طرا على حياتنا من بعد ماحملت بالثاني

كنت امهد لة كثير من هالناحية لانة دلوووووووووووووووع واول حفيد لاهلي وبسم الله علية لايق علية الدلع ورقيق جداااااااااا وكثير صياح وعنيد والي براسة يسوية بعد مايعل كبدي من كثر مايشاورني ويسوي الي ببالة((امي تقول طالع عليك))!!!!!

المهم ولدت وعينك ماتشوف الا النور بدء الوجة الثاني من الرقة يطلع!!
ادري ان الغيرة لابد منها بالاطفال لكن المصيبة ان الكير كااااان دلوعنا والثاني بعد صبر سنين الغلا وااااااااااااااااااااضح بعيون ابوة واهلة وعماتة رغم انهم يحاولون مايبينون هالشي ويرحبون بالكبير قبل الصغير لكن مازادة الا تمرد

صرت اظربة بس مااقدر احرمة لان صياحة واجد وان وحدة مااحب الازعاج ولا تعودت على الاطفال لاني بكر امي واصغر وحدة عمرها15
يعني عمر بدون اطفال

المهم مليت شريت لة غرف قبل لا اولد وجهزة معي ! عشان مايغار اذا شافني اشتري لاخوة الجاي !
مابقى لعبة الا وجبتها ! مابقي مركز الا وديتة لة !

واطلعة معي واقول اخوك صغير اقدر اطلعة بس انا احبك وابغاك انت عشانك ماتزعجني ومؤدب!!

وحرام اظلمة اذا عاقبتة يصرخ ماما انا احبك ويتعلق فني اذا جيت احطة على كرسي الاولاد الاشقياء ويبكي لكن ماشفت فايدة !!
حتى زوجي ينادية بابا ودايم يرفع معنوياتة ودايم يمدحة لكن مافي فايدة دايم يظرب اخوة ولا يبية يلعب معة
ولا يبى اخوة ينام يروح يزعجة وقت النوم والموت انة كان ينوم بغرفتة وهو صغير والحين ينام معي بنفس الغرفة

ياااااااااربي وش اسوي استحيت من ولد الناس وغير كذا زوجي يخااااف على ولدة ينام مع الخدامة علما ان عمرو سنة و5 شهور وولدي كان اصغر منة وينام مع الخدامة لكن انقلبت احوالي صار ماينام الا متاخر واخاف اعطية اي علاج لو كان فيفادول
وعنيد عنيد بشكل خيال ويحب اخوة لكن ودة يطحنة من كثر الحب !!! ولا يرضا احد يهاوش اخوة وهو غرف قلبة من كثر مايزاعق بوجهه
الحمد لله الكبير فية اشياء حلوة مثلا الاستئذان في طلب الشي ((طبعا يتلوق عشان ياخذ الشي وبعدين يعطيني ركبة ))! نظيف ماشاء الله علية مايحب يكون طفل مو نظيف !! يحب اذ رحنا المطعم هو الي يعتمد على نفسة ....!!

وفي نقطة موتت قلبي يوم قالها وهو زعلان ((ماما انا زعلان!!
طيب انت الغلطان وانا مااحب الكلام القبيح انا احب الكلام الجميل ..!! وطبعا يحلطم على عمرة مدري وش يقول!! يالة قم غسل بابا بيجي((الي هو زوجي)) لا لا لا مو بابا!!!!!!!!!!!!!!!!!!!!!!!
لية حبيبي!! عشان هو يحب اخوي ولا يحبني!!
لا حبيبي هو يحبك اصلا ربي ماعطانا اخوك الا عشانا كلنا نحبك جاب لك اخو تلعب وتضحك معة !!لا انا الابلة تقول اسمي ..فلان الفلان !! وبابا اسمة ...!!

سكت ودريت ان هالمعلومة احد قايلة لة ولا وش هالفطانة اعرف ولدي اكيد سال ولا احد قالة !!

وغير كذا وقبل هالتصرف كان لما يقول بابا يقولها من غير خاطر وقد قال زوجي بالسيارة يداعب الكبير انا من حبيبي ((كان متوقغ ان الكبير بيقول انا ))لكن قال شي صدمني فية

قال انت حبيبك الصغير وانا حبيب ماما!!!!!!!!!!!! والله ان العبرة خنقتني وش هالاحساس الي وصلة لهذا الشي رغم عدم تقصيري لا انا ولا زوجي بحق هالولد!!

اما الصغير لما يقول بابا غير لما يقولة الصغير بلهفة وشوقة لبوة ويجي يركظ ويحظن ابوة هذا لا ..
علما انة ماشاف ابوة ولا يعرفة ابدااااااااااااا

والله اني تعبت جاب لي الهبال من كثرصياحة وتعبت من كثر ماالومة حسيتة صار مستهتر بكلامي وباافعالي معة تكفون دلوني وش الحل

وغير كذا ابوة مايذكرة ولابريال وودي اتوظف تكفون الي تقدر عشان هالولد الي شبهه يتيم توفر لي وظيفة ابني فيها مستقبل هالولد ليت تساعدني((علما ان كل الناس الي حولي مراكز لكن مانفعوني ولا بفلس وانا نفسي عزيزة ما اقبل فلوس بدون تعب والله الي تساعدني ربي بيفتح لة ابواب رزقة بالدنيا والاخرة مثل مارزق زوجي هالولد بعد22 سنة لانة عامل ولدي بالاحسان قادر يرزق كل وحدة اللي تتمنة بالدنيا والاخرة امين والله ماراح انساكم من الدعوة الصادقة طول عمري لانكم ساعدتوني برزق هذا الولد بعد الله سبحانة وتعالى



اسفة طولت لكن لا تبخلون على انا بنتظركم