السلام عليكم
الله يرزقك من واسع فضله أنا أولا راح أقول لك قصتي
بإختصار جبت 8 بنات وراء بعض وعمره ما قال شيئ قدامي ولما بت البنت السادسة عرفت إنة خطب وحده ورحم ربي لي المخطوب رفضته بدون عصبي وخناق مسكته وقلت انا دريت بالخطبةة لكن أنا لي طلب عندك تبي تزوج بكيفك لكن فيه خيارين تصبرلما أجيب ولد وتزوج وماراح أزعل عليك أو تزوج قبل لايجي الولد وما راح أجلس عندك أنا بعد أبي ولد أنا حاجتي للولد أكثر منك
حلف وأقسم أن الحرم مرسل عليه أخته وأنه مايبيها بس هي قاطه نفسها طبعا كذاب
المهم والله مريت بظروف ما يعلمها إلا ربي تجريح من البعيد والقريب وحاجات كثير ماهي موضوعنا
جبت السابع ووبعدها راجعت دكتور وحددت لي يوم الجماع وعطتن غسول وسويت كلامها وحملت بالثامنة
ووبعدها أشتركت بملف أم الأشبال وعرفت معلومات كثير ورحت لدكتورةةة شاطرة وتابعت بالمنشطات وجبت ولد والحمد لله من قبل ومن بعد
اللي أكتشفته أن ربي كتب لي الصالح وقدر أني أجيب هالبنات لخير كتبه لي من أولها عرفت صديقي من عدويي والله إلى هالحين باقي جروح بقلبي ما طابت
وإذا بغيتي تجربتي أبحثي عن تجرب غند الدنيا بالبحث عالم حواء وتلقينها
وهالحين لو يعرس اليوم ماهمني
دعواتك الله يرزقن بصلاح البنات والعيال يطلعون من حفظة كتاب الله وأئم مساجدة ويبعد عني كيد الكائدين وحسد الحاسدين
وأشكر أخواتي بملف أم الأشبال وخاص أم الأشبال ومبروك جالك ولد وكل من في الملف اللي لهم الفضل بعد الله بالدعاء لي ومشاركتي همي والله أني ما كشف على الجنس إلا بالشهر الثامن وكانت تقولي أم الاشبال ياليتك عندي أنا أوديك تسوين سونار

اولرشي اختي الفاضله الله يصبرك على همك والله يفرج عليك ثاني شي والله حزنت كل الحزن من العنوان اللي حطيتيه عمر البنات ما كانو مصيبه كلمتك هذي لوحدها قد تغضب ربي منك حتى لو كنتي تحبي بناتك على قولتك ولا تجعلي تفكير زوجك بزواج يخليك تغيري تعاملك مع بناتك او تفكري لو مجرد تفكير انو سبب زواجه من البنات لااااا والف لااااا قد يكون عرف نقطة ضعفك ويحاول يمازحك فيها وانتي انفعلتي وبينتي صدق انها نقطة ضعف .
اختي الفاضله ..زوجك اعتقد انه يمزح معك ولكن لو انعلتي راح يعاندك وتصير جد  فانتبهي صدقيني الرجل ما يتزوج على مرته الا في حال انو مو مرتاح معها فنتبهي على هالنقطه .ونصيحه اخيرة لك اعملي التلقيح الصناعي لانه بعد الله مضمون قبل يومين كنت عند دكتورتي واكدت لي انها مضمونه واغلب اللي يبون عيال يعملونها  فلا تترددي في عملها ولا انصحك بتؤم لانه حمل عالي الخطورة 
والله ييسر امورك ويرزك بالخلفه الذكور الصالحه 

انا زعلانه عليك من عنوان موضوعك ياليتك اخترتي عنوان احسن بس عشان بناتك الخمس الحلوين حرام تخلينهم سبب لنفسيه سوداا !!
نجي لموضوعك انا بقولك شي زوجك ذا خلاص اعتبريه طاح من عينك الصراحه مره سخيف ياما رجال جالهم اكثر من خمس ولا فكرو يتزوجو على حريمهم لاكن زوجك للاسف شكله غبي عشان كذا انا بطلب منك تجيبي الولد عشان نفسسسسك عشان انتي تبغين ولد مو عشان زوجك الغبي وبإذن الله تجيبي اخوان لبناتك العلم تطور وانتي استفيدي من فلوسك وسوي تلقيح لاكن خلي في مخك انك تسوي هالشي لك ولبناتك اما زوجك خلاص اضن بعد تفكيره ذا مايستاهل تجيبي له شي يفرحه فرحي نفسك وجيبي سند وعون لبناتك بإذن الله
وانتي جبتي ثلاث قيصري ان شالله معاك فرصه تجيبين ثلاث ويارب كلهم اولاد ويقر عينك بشوفتهم ويكونون صالحين لك ولاخواتهم

السلام عليكم 
كلنا عارفين وصاحبة الموضوع كذلك عارفة انه البنات نعمة الحمد لله بس خلونا واقعيين لو يجيك 6او 7 الا لو 3 تقدرين ماتتمنين الولد !!!!!
مستحييييييل واتحدى كل اللي ردوا والله العظيم هذي فطرة بالبشر اصلا حتى لو الزوج مو متزوج وعطاك ضمان انه ماراح يأخذ غيرك انتي تبين الولد لك رغبة وامنية بشيء ليس عندك 
ولا تقعدون تقولون حرااااام الوحدة تتمنى والمفروض تحمد النعمة اللي الله اعطاها !
ومتى كانت الامنيات على الله صعبة!
ومتى كانت الامنية حرام ودليل على عدم الرضا بقسمة ربي !
يعني وحدة عندها 3بنات او نقول 2وتحمل هل بيكون امنيتها تجيب بنت ثالثة ؟مو معقولة الا بتقول لك ودي ولد .!ليش لان بأبسط جواب عندها بنات فودها باللي مو عندها فكيف باللي عندهم 6او7 !
خلونا عقلانيين ولاتخلطون بين التمني وبين الرضا بقسمة الله وخاصة اللي حرموا نعمة الانجاب تجيك تقول احمدي ربك انتي تحملين ببنات وانا ماحصلي ظفر بنت !
الحمد لله رب العالمين  مثل ماانتي جالسة تتمنين الحمل صاحبة الموضوع جالسة تتمنى الولد وش فرقت يعني كلها امنيات وليس فيها تبطر على النعم !
وربي ماقال ارضوا باللي قسمت لكم قال ادعوني استجب لكم وقال ان الله على كل شيء قدير 
والا كان حتى اللي مايحملون نقولهم هذي قسمة ربكم ارضوا بها ولاتركضون تدورن العلاج عشان الحمل !
الوحدة ماكفرت ولا فجرت يومها سألت عن الاسباب اللي تساعدها تجيب ولد بعد قدرة العزيز الحكيم وما ذلك على الله بعزيز 
اختي الغالية ًًً،،،،،،،،
بغض النظر عن رغبة زوجك بالزواج انتي التي ترغبين بالولد ليكون بعد الله لك سند 
ولأخواته وتفكيرك صائب وانا اوافقك الرأي 
لكن بسألك لو خيروك بين ان زوجك يتزوج او انك تنجبين ولد ايهم تختاري؟
هدي نفسيتك ياحبيبتي واتركي زوجك وزواجه وفكري اللحين بالاخذ بالاسباب مع الدعاء وقيام الليل والتضرع وقراءة سورة البقرة 
وصدقيني ربي بيرزقك وبجيبين بقدرته الولد اللي يسعدك ويفرحك وخواته 
والحمد لله حمدا كثيرا طيبا مباركا فيه

بس حبيت اخبركم اني ام ل اربع بنات و الحمدلله و راضيه و مقتنعه رغم انو كتير يقولولي سوي حميه حددي جنس بس انا مقتنعه و مؤمنه انهم رزق و مكتوب و انا لمن رديت على صاحبة الموضوع بقسوه لانو العنوان جدا قاسي اثر فيني كثير