بنزل ببيت أهل زوجي وشايلة هم

السلام عليكم
بداية شكرا لصاحبة اليوزر
اول شي بنات انا متزوجة من ثلاث شهور لشخص رائع وطيب وكانت بيننا علاقة حب
المهم امه من البداية ماكانت تبي الزواج يتم مدري ليش
كانت تبي هي تختارله بنفسها
المهم تزوجنا وسكنّا بعيد عن اهله بحكم شغله
والحمدلله مرتاحين
المشكلة يابنات بعد اسبوع بتكون ثاني زيارة لي لأهله
الأولى كانت بعد الزواج
واحس اني متوترة مدري ليش
كيف اتعامل معهم وكذا بالذات مع امه شخصيتها قوية وعصبية مرة
وهو الله يهديه حاولت معه ننزل بفندق مو راضي يقول ابيك تكونين قريبة من اهلي
فراح انزل عندهم بالبيت وانام عندهم
لأن السفرة اصلا مستعجلة بس اربع ايام ونرجع
يقول حلو نكون قريبين منهم هالأربع ايام
بحكم اننا طول السنة بعيدين شرايكم؟
ثاني شي امه الله يهديها مرة مركزة بموضوع الحمل
تتصل ع ولدها ها زوجتك ماحملت؟ ها زوجتك ماحملت؟
احنا تونا مالنا الا ثلاث شهور واصلا نستخدم مانع بدري ع الأطفال ومتفقين ع ذا الشي
بس امه تتدخل بذا الموضوع بزيادة
وانا استحي اشرحلها واقولها
ومرة دقت علي قالتلي كيفك وكذا وقعدنا نسولف
بعدين قالت مااوصيك عاد جيبي لولدي ولد بأقرب وقت
تراه يبي ومدري ايش
حسيت اني ماكينة
قلت لزوجي قالي عادي ماتعرفين اسلوب الأمهات طبيعي تبي تفرح بأحفادها بس ماعليك بيجينا ان شاءالله بالوقت المناسب
انا عادي مشيت الموضوع
بس مدري شلون بتمر هالثلاث ايام عندهم 😭
اخاف تسال ترمي حكي تلمّح بشي ولا شي
حتى بيتهم يعني مو مرة كبير وانا ماأمون عليهم
وهو حاط بباله انه بذي الحركة بيقربني منهم وتخليهم يتعرفون علي زين تعبت معه وانا احاول اقنعه
ايش رايكم؟