بنسافر انا وزوجي .. ابيه ما ينسى هالسفره ..ابي افكاركم الجهنميه يا قمرات

يا حبيلك المكتوب واضح من عنوانه من قريت اسمك ماخفت عليك الله يوفقك ويحفظك وراجعتلك بأذن الله

أول شي خلك كانك فعلا صديقته
يعني لا يصير في بينكم تكليف .............يعني الميانه طايحه ولو سوى شي قدامك يعصب تعاملي معه كانك تتعاملين مع صديقتك
ثانيا تغيري بشكل جذري يعني لو كنتي خجوله خليك جريئه والعكس
ولو كنتي ما تعرفين الدلع تعلميه حتى لوكان شكلك يضحك معليييييييييه
وهذا بشكل عام
والباقي انشاء الله البنات يفيدونك

اهلين اختي،،،
انا احس انه اهم شي تكونين مررررررة مرنة يعني لو عرض عليك طلعة لاي مكان وافقي و تحمسي حتى لو الساعة متاخرة او تعبانة شوي، الرجال يحبون السفر مع اصدقائهم لانهم ما عندهم حركة برستيجي ما يسمحلي..
و بعد شي ثاني، حاولي انك تكونين سريعة في تجهيزك للطلعة لان الرجال ما يحبون احد ياخرهم...
سوي search عن المكان اللي رايحين له و حاولي انك ترتبين لكم برامج للطلعة (انا زوجي ينبسط لما اكون مجهزه وين ابي اروح لان التفكير و الترتيب يتعب) ..
اشتري ملابس نوم جديدة و خذي معاك شموع عشان تقدرون تعيشون جو رومانسي في الفندق..
اهم شي بيني له انك مبسوطة و دايما حاولي تشكرينه مو لازم تستنين لما ترجعين...
اتمنى اكون افدتك..

كلامكم درر راجعه لكم بكره
لان ابو الشباب قريب اخاف يجي يقرا هههههههههههه
بعقب بكره ان شاء الله



ولكم الف شكر

هاه ؟؟ راح زوجك ؟؟؟

طيب مدام انه راح اجل اسمعي وانا اختك

اولا : خلي عنك الغيره لا تقولين طالعت هاذي ولا ذيك ... صحيح انه لازم يغض بصره في اي مكان لكن ترى ما يطفش الرجال من الزوجه في السفر الا الغيره وانها تمسك له على الوحده
يعني لو طاحت عينه على وحده طنشي .. اخرتها بيجي معك للبيت وهو زوجك وحبيبك


ثانيا : لا تكثرين الروحات للاسواق يعني مو تروح سفرتكم لفلفه بالاسواق وطبعا ما يخفى عليك ان الرجال يكرهون الاسواق والدوران فيها .. واذا بغيتي السوق خليك ذكيه وقولي له نفسي اخذ هديه لامك او اختك او اي احد غالي عليه من السوق بيوديك وهو يركض عاد انتي هناك خذي راحتك

ثالثا : خليه ينام على كيفه يعني لا تقومينه من الصبح عشان تتمشون خليه على راحته لا تضغطين عليه

رابعا : خططي له الطلعه بعض المرات زي ما قالوا لك البنات .. وخليك مرنه وسريعة الحركه

خامسا : طبعا ما يحتاج اوصيك على اللبس والتسنع له في الاوتيل مثل ما قالوا لك البنات وانتي ست العارفين ماشاء الله عليك :)

سادسا : لا تاخذين معك اغراض كثيره من الرياض وتكفشينه بالشنط وثقلها


واتمنى لكم سفره سعيده