حياك الله بديرتك الثانيه ياساره :)

وبما إني من الشرقية أكيد راح أمدحلك الشرقية وسيعة صدر وواهلها حبيبين

واصلا اهل الرياض يهجون كل عيد ويجون عندنا =)

بالنسبة للمجمعات عندك الراشد والظهران مول والمارينا مول والشاطئ مول وفؤاد سنتر الي فيه

توي تاون حق البزارين عشان ينبسطون وعندك كورنيش الخبر والدمام

بالإضافة للشاليهات والافضل الهوليدي إن وفيه الخليج وفيه الغروب

بالنسبة للسكن ماودكم بشقه مفروشة ؟؟

أنصحك بشقق مدهال على شارع الظهران تحصلينه على يدك اليسار وانتي جايه

وبصراحه اعطيها 5 نجوم ... وراح أعطيك بنهاية كلامي ملف لبرقع جنز زري

فيه كل طلباتك

والاسواق الشعبية عندك شارع السويكت بالخبر وشارع الحب او مايسمى بشارع الملك فهد بالدمام

وكلهم اسعارهم وبضايعهم روعه فيهم ملافع وعبي وشيل على كيف كيفك

والمطاعم كثيره عندك دارين والاصدقاء وروما وكوبرشندني وبربر والمطاعم على امتداد كورنيش الخبر

بالإضافة إلى مطاعم الفنادق وفيه مطاعم على الشارع الموازي للكورنيش منها ابونواس

والدور التاسع والحلويات الفرنسية تجنن لا يفوتك فطورها

وبعد ايه فندق شرفة الخليج جنب المريديان عنده بوفيهات حلوه

بالنسبة للسوق والله مدري عن اول يوم بس ثاني يوم ايه يفتح السوق

بس خبرك مو زي الكويت من الساعه تسع لين آذان الظهر

ومن الساعه اربع لين الساعه 11 او 11 ونص بالكثير

ومجمع الظهران مول بينبسطون فيه عيالك فيه صالة تزلج والعاب حلوه ومايسكر إلا الساعه وحده بالليل وهناك المطاعم عدي واغلطي وانصحك بمطعم بيتزا كومبني لا تفوتك الباستا جنااااان عندهم

اممممم وبعد بعد ايه اسعار الفنادق مدري بس اتوقع ارخص من اسعار فنادقكم

لأننا نتأزم لما نجي عندكم الفنادق عندكم غاااااااااااااااااليه .. بس إن شاءالله الشقه المفروشة

تأدي الغرض والمميز إن أغلب الشقق المفروشة تكون جنب مجمع الراشد

وبعضها تطلعين مشي للراشد مايحتاج سيارة بس زي ماقلتلك أرشح لك شقق مدهال

وبتشكريني عليها :)

ايه ولا يفوتكم الهاف مون ايام العيد يسوون عروض حلوه والعاب ناريه خذي فرشتك

والشاهي والقهوه وانتي ورجلك وعيالك اجلسوا تفرجوا والي يبي يلعب دبابات او يتمشى ع البحر

يعني الجو حلووووو وخيال هالايام الله يديمه يارب

وعندك بعد بالعزيزيه اماكن حلوه تصلح للتماشي نفس فكرة الهاف مون

والشاليهات الافضل الهوليدي إن وتستأجرينه يوم كامل

اتوقع ابو غرفتين مع مطبخ وصاله وحمام عزك الله بـ 1700 ريال أو ابو 3 غرف مانيب متذكره

بس بهالحدود تقريباً ولا تنسين انه عيد يعني لو لكم نيه احجزوا من الحين عشان اهل الرياض

ماياخذونهم عليكم خخخخخخخخ

وتفضلي هذا موضوع الأخت برقع

http://forum.hawaaworld.com/showthread.php?t=506463

بس أبي دعواتك والله يوصلكم لنا بالسلامه وتنبسطون عندنا اختي :)

أختي إذا عزمت وزرتي الرياض
انصحك يكون سكنك بالعليا لأنها
افخم مناطق الرياض وحيويه وكل
شي بيكون متوفر لك من مراكز تجاريه
ومطاعم وفنادق وأهم الشوارع اللي فيها
المراكز الكبيره والمطاعم المشهوره:
=شارع العليا العام
= طريق الملك عبدالله
= شارع التحليه( هذا مطاعمه كثيره وكوفياته بالهبل بس الله يعينك على الزحمه)
= شارع الأمير سلطان(الثلاثين)
= شارع التخصصي
= طريق الملك فهد ( وهذا الشريان الرئيسي للرياض يوصلك للشوارع
السابقه ويربط الرياض ببعض )
وانصحك بما إنها أول زياره تتنقلين بسيارة أجره أو تستأجري
سياره بسواق لأنكم صعب جدا تدلوووون لإن الرياض كبيييييره

وإجازه ممتعه إن شاء الله ولااااااازم إذا رجعتي تكتبين موضوع
عن سفرتك وانطباعاتك ..

ماشاء الله البنات كفوا ووفوا..

ومن مطاعم السي فود في عمو حمزه...

حبيبتي اذا عزمتي ابدا ارسلك رقمي ولا يردك شي يالغلا انا مستعده اصيرلك دليل يالغاليه..

نورتوا الرياض..

ماشاء الله عليكم يابنااات السعووودية والله ماقصرتوا مع الاميرة ساارة..يعطيكم العافيه
والله شوقتووني ازور الرياااض:42:
الاميرة ساارة ان شاء الله تستانسين بالاجازة وماتردين الا وانتي راضيه
وعساااكم من العااايدين مقدما

الله جده ... يعني مو حلووه ..



اصلاً ايام الإجازه .. كل الرياض و الشرقيه عندنا :)

بس برضو انصحك تروحي الرياض .. بس لا تتفاجئي ترا الرياض كبييييييييييييييره مره ...و تضيع

وإجــــــــازه سعيده :)