انا حاسه فيك صدقيني ومقدرة موقفك...
انا اشوف انك تثقلين عليه شوي يومين وبعدين اشرحيله الموضوع برسالة...وفهميه انك حتى انتي تحبينه ولايمكن تقصرين فيه بيوم من الايام ...وانك لا يمكن تتخلين عنه وانك اهله على عينك وراسك لكني استحي لان هذا ملحق شباب وسهرة ومو مخصص للنوم وزيادة على كذا خارجي...يعني مكشوف...واحراج قدام العائلة اذا دخلنا وطلعنا من الغرفه الكل بينتبه ...وفهميه ان مو راضية باسلوبه معك...ولازم تفرضين قوتك واحترامك بالذات انك ببداية الحياة الزوجية...((ولاتخلينه يعاملك بهالاسلوب)) لانه اذا تعود خلاص بيتعود...
وعلى فكرة هو حاس بعقدة النقص وعنده ضغوطات نفسية يمكن بسبب دراسة وغربة والمادة...وكان كاتم اللي بقلبه وانفجر على سبب من ابسط حقوقك ...لكنه يسب تكلفه مادية عليه هو مو قادر يتحملها....((يعني حاولي تتعاملين معه بالسياسة لان شكله مرره تعبان ومضغوط))
المره هذي ساعديه لكن تعودي انك تطلبينه ساعه عطر مصروف اي شي بحود امكاناتها المادية لانك ياعمري اذا تنازلتي من البداية خلاص راح يتعود انه مايعطيك حتى لوتحسنت ظروفه..واذا طلبتيه بيحس انه شي غريب ومو من حقك...
الله يوفقكم
بــاتشي
•
يمكن لو انا منك بقولة مانبي الملحق واذا عي اروح هو لنوم والباقي اطلعوا ويمكن يستحي لانة عارف انك ماتبين المحلق ومنجبرة علية
اهلين اختي.....الله يسهل امرك....عادي لاتاخذي الامور بحساسيه عادي اذا قعدتي ملحق اهله هو يبي يهيئه لكم وحرام الصراحه ياخذ الشقه لان مره غالي الاجار والمفروض المره تريح زوجه من هالناحيه......ومن ناحية المصروف توك يااختي عليه امور التجهيز لسى باقيه انامارحت للسوق الابعد اكثر من سنه والمصروف بعد سنتين واشتري الاشياء الي قد المصروف وخليت كل الاشياء الي احصله قبل اتزوج
الصفحة الأخيرة
الحين انتي ماتبغين تروحين لانك مستحيه وبتاخذين راحتك
لكن هو بسبب النقص الي عنده شاف ان سبب رفضك انك مغروره ومتكبره ومو عاجبك مستواهم
حطيت نفسي بمكانك
(على فكره حسيت ان شخصيتك وافكارك مقاربه لشخصيتي )
انا لو بوضعك ماراح اتنازل واروح لملحق شباب
نفسيا ما اقدرررر
ولا راح اجامله صراحه
وعلى فكره انا تقريبا صار لي نفس الموقف
اهل زوجي عندهم استراحه تقريبا المشوار ساعه
ويطلعون كل فتره وفتره
زوجي يتحااايل علي انام هناك وقلت له مستحيل
مو بسبب اني ما ابغى اهله اوعلشان المكان بسيط
بس انا استحي وما اخذ راحتي وانا بعد ابغاهم ياخذون راحتهم خصوصا الاولاد
هذي شخصيتي ما اقدر اغيرررها
واذا رحت ابتشبص بمكان ولا راح اتحرك
وغير كذا ابجامل ولا راح اتصرف بطبيعتي
مع العلم لي سنوات متزوجه مو توني عروس وما اخذت على الوضع
انتي انسي الموضوع هالفتره ولا تدقين عليه هالكم يوم
وان شالله بتنحل الامور وبتلقون حل وسط يرضي الطرفين
الله يوفقكم ويرزقكم ويفرج همكم
:)