أشكر كثير اللي تفاعلوا معي وردوا علي .. والله انكم خففتوا شوي من همي ..
أنا استخرت بصراحة عقب ماقريت كثير من ارائكم .. أمري لله بوافق ( أصلا مالي خيار ثاني) !
بس ماراح اكلمه .. أبي أحسسه انه غلط بحقي .. وينتظرني أدق اعتذر منه !.. الله يصبرني بس

أنا احبه وأموت فيه .. وأدري يحبني بس الموضوع ماكان يستاهل كل هالقسوة والتجريح .. في بعض الأخوات فسروا عصبيته عشانه حاس باختلاف مستوياتنا المادية شوي .. أنا لما فكرت فيها لقيتها التفسير الوحيد لثورانه ! .. طيب أنا هنا وش ذنبي ؟

الله يكون بعون كل وحدة حالتها زي حالتي ..

ونصيحة للبنات المقبلات على الزواج واللي ينخطبون .. صحيح الرجال يشترى بأخلاقه ودينه .. وصحيح أهم شئ الدين والخلق .. بس نصيحة لاتهمشون الحالة الاجتماعية له .. والوضع المادي باختصار .. لأنها والله تأثر بشكل كبير في الحياة الزوجية .. حتى لو صرتوا مثلي وقلتوا لا هذا الشئ مو مهم انا ماتفرق عندي .. صدقوني لابد وتفرق بعدين وتأثر عليك بشكل كبير .ز لأنك بتحسين نفسك تضحين بس هو ماراح يحس فيك .. لأنه في نظره شئ طبيعي ! ووضع عادي ..


دعواتكم تكفون والله محتاجة دعواتكم حبيباتي ..

الله يرزقكم السعادة أجمعين ولا يحرمكم الأجر .. ويجعل حياتكم وردية كلها حب ونقاء .. ويعطيكم ماتحبون وأكثر !

شوفي عزيزتي خير ماقررت ِ الله يكملك بعقلك
زوجك ماثارت ثائرته عشان حاس بالفرق بين مستواك ومستواه لا
يتهيأ لي ثار لأنه توقع يلقى فيك لهفة لجمعتكم وتوقع إنك بتقدري إنه لو يقدر مابيقصر وبتتحملي كرمال اللقاء وبس !



عمومـــــــــــــــــــــــــــــــــــــــاً الله يهديكم لبعضكم ويشرح صدروكم

الله يعينك ياختي صراحة مرة ضيقتي صدري لاني تذكرت معاناتي مع انا ظروفنااا مرة زينة واهل زوجي
ظروفهم زينة و بيتهم روعه بس اذا جيناهم زيارة نسكن في ملحق بس مو حق الشباب هذي قوية صرراحة
أنا في البدايه زعلت يوم حطوناا في الملحق الصغير وبعدين تقبلت الوضع لاني اجي زيارة تقبلت علشان زوجي
وقولي لزوجك اوكي بسكن عند اهلك بس مو في ملحق اخوانك ودامك مراح تطولين مشيهاااا علشان
زوجك حررام مسكين ومتغرب وترى ردة فعله طبيعيه كلهم كذا حاااولي تكسبين زوجك باسلوب ومافيه مانع تدقين
وتعتذرين مع انك مو غلطانه بس بتكبرين في نظره وحاااولي تعوضينه اذا جاء ترى المكان مايهم

مثل ماقالوالاخوات اقولي رايك برساله وانك ولوانه بعشه راضيه تسكنين معه بس تستحين من الشباب الي في البيت واذا شفتيه مصمم على رايه قولي اجل ناخذ غرفه من الغرف الي جواء في بيت اهلك وعليك بكثرة الاستغفار والصلاة بتشوفين الموضوع انحل بسهوله

يابعد عمري الله يفرجها لك يارب ..
تحملي وحسسيه انه غلط بحقك وارضي .. مافيه شي يضيع عند رب العالمين ياقلبي