سبحان الله والحمدلله والله أكبر

انا كنت احب نظام الفلل والدوبلكسات بس لما اهلي سكنو بيت دبلكس . شلت الفكره من راسي
تعب في تعب الدبلكس وغير هذا تشتت بالعايله هذا فوق وهذا تحت
والدرج قص ظهر
نصيحتي اذا تبين استقرار وراحة نفسيه خلي بيتك دور واحد فقط ، اذا بتبنون دور علوي خلوه استثمار تأجرونه
صممي بيت ارضي وظبطيه وخلي فيه اجنحة لك ولعيالك .
وجهة نظري وانتي اكيد صاحبة الشأن . بالتوفيق

وليش خايفه !!!!! قومي بتأسيس مصعد للمستقبل اذا خايفة من تعب الدرج ، أنا ساكنة في فيلا دورين وعندي مطبخ وغرفة غسيل فوق ومطبخي الرئيسي تحت وأسست لمصعد والحمدلله مرتاحه خاصة لما يجوني ضيوف فجأة ، الدورين راحة نفسية وهدوء وتصميم البيت منظم وراقي والواجهة تشرح الصدر أهم شي التخطيط يكون مضبوط يعني فوق وتحت كل شي قريب منك وقت الحاجة يعني مطبخ صغير فوق جدا ممتاز ,,, احس ماشاء الله كل شي منظم ومرتب وحتى لو جوني اخواني مستحيل احد منهم يصعد فوق عكس لما كنت ساكنة في دور قمة الازعاج ومافيه خصوصية رغم انه الغرف مستقلة لكن دائما مكشوفة للغريب والقريب بسبب الأطفال مافيه خصوصية بالمرة والأدهى والأمر اذا جيت أرتاح قمة الازعاج ,,, ولاتنسي تأسسي لكاميرا مراقبة في البيت خاصة في المطبخ ,,,,,,,,,,,,,,, لو كانت مساحة البيت كبيرة جداً وبتكون الغرف بعيدة ومستقلة ابني دور بس مساحة بيتكم مو مناسبة لدور ,, مميزات الدورين أفضل من الدور بوجود المصعد والخيار لك طبعاً ,,,,

الفلل متعبة وعن تجربة ..كنت بدور ملموم على قولتك ومرتاحة فيه من يوم سكنت وانا تعبانة الغسالة بملحق الخادمة فوق يعني الدور الثالث والمطبخ تحت وغرفنا بالدور الثاني والحين مافي خدامة ..صحون وكاسات المطبخ القاها فوق بغرف العيال والله اتمنى اننا بنيناها نظام دور وشقق نأجرها تعب صدق

اذا خططتي صح ماراح يكون تعب و لاشيء
بالعكس راحة وخصوصية الفلل