سالي 24 @saly_24_1

عضوة جديدة

بنغير حياتنا واسلوبنا

السلام عليكم ورحمة الله وبركاته

كيفكم ياحريم ويابنات

ودي من زمان اتكلم عن هذا الموضوع

نبي نغير شوي من حياتنا ... ملينا من الروتين .. وحرام ايام من حياتنا تضيع واحنا مااستفدنا منها شي

كلكم مثلي صح !!!

ايامنا متشابهه !! السبت مثل الاثنين مثل الجمعه كلها مثل بعض

وسببحان الله زي ماانا اشوف وانتم تلاحظون الايام سريعه تركض تركض وكلها من اعمارنا

الله يرحمنا برحمته ..

فانا ودي نتعاون مع بعض ونستفيد من ايامنا .. ونكتب انجازاتنا ونعيش يومنا صح ونبتعد عن التسويف والتأجيل ...

فاللي ودها تحافظ على السنن الرواتب والشفع والوتر تتابع معنا

واللي ودها تخصص لها ورد من القرآن واذكار حتى نكون من الذاكرات لله كثيرا حياها الله معنا

والللي ودها تطور من لغتها الانجليزيه وتحفظ كل يوم خمس او عشر كلمات .. هنا مكانها

واللي ودها تنحف وتحس انها قدرت تسيطر على شهيتها للاكل .. تجي هنا

واللي ودها تقرأ كتب وتتثقف وتثري معلوماتها وتقوي ثقتها بنفسها وتطور من شخصيتها ..فحنا نعين ونعاون

واللي في راسها اي شي تبي تسويه ومايضيع يومها الا هي مستفيده منه تجي هنا نبي نتعاون ونبي اذا راح يومنا يروح وحنا مستفيدين منه وعايشينه صح لان اليوم ذا من عمرنا وحنا محاسبين عليه

والموضوع لكم يابنات نبي مشاركتكم وان شاء الله السنه ذي ماتروح الا حنا مستفيدين من كل يوم منها

638

يلزم عليك تسجيل الدخول أولًا لكتابة تعليق.

تسجيل دخول

نبض طيبة • 10 سنوات

سبحان الله والحمدلله والله أكبر

ندى التميز • 10 سنوات

رووووووووعه حبيبتي الله لايحرمك الاجر

سالي 24 • 10 سنوات

يعني مافيه احد بيطور من نفسه ؟؟؟

دمعة غلآ • 10 سنوات

فكرة الموضوع حلوووووة
الله يعطيك العافية
وفيه تنبيه ع الاقل حتى لو ماتابعوا معاك البنات يوميا

نخلة مثمره • 10 سنوات

حلو موضوعك لازم نطور من نفسنا ونستفيد من وقتنا انا كنت ابي انحف وبعد جهد جهيد بفضل الله نزلت 4 كيلو انجاز مع الجو البارد بس لازم اهتم بصحتي واذا نحف نفسيتي تتحسن

بنسبه حق الانجليزي احب اطور نفسي وكل يوم اقراء

اممم متضايقه عشاني ماقرءا قبل لانام سورة تبارك يارب يثبتني بس الحمدالله ماهجر القران

واذا تذكرت شي بقولكم