ريح السحاب .. ولكل البنات اللي ماتزوجوا .. زي ماقالت الاخت اللي قبلي الزواج كله حسب الزوج يااما يكون متفاهم وهالشي حلو ويا اما يكون منكد وهذا شي سيئ
لكن بشكل عام اكثر شي فقدته بعد زواجي الراحة والدلع واقصد فيهم اني انام واصحى بكيفي ماوراي شي اشيل همه ولا افكر بطبخ ونفخ او تنظيف البيت وروحة السوق اروح اشتري لنفسي واخلص بسرعة واغراضي شي بسيط اما بعد الزواج يوم انزل السوق ادور لبنتي وانسى نفسي ولما انام قبل اغمض عيني افكر متى اصحى وايش وراي من شغل البيت واكثر شي تعبني بداية زواجي المسؤولية

يعني بعطيك مثال المسؤلية
افتكر يوم بدأت اطبخ بعد زواجي بفترة بسيطة كنت انسى اني لازم اقوم اطبخ بوقت معين يعني وقت رجعة زوجي للبيت من شغله عالساعه12 بالليل اوقات انسى طبخ العشاء واوقات افتكر قبل جية زوجي بساعة ايش يمديني اطبخ وانا مانزلت الدجاجة او اللحم من الفريزر ويارب ايش اسوي ادبر عمري برز ابيض وايدام بطاطس عالسريع ومرات مكرونة بتونة يعني يادوب الحق اطبخ شي سريع وعلى هالموال ليييين اتعودت على التوقيت المزبوط والحمدلله مشيت الامور بسلام

المفيد من كل كلامي هذا اكثر شي ينغص عالمتزوجة بالذات العروس المسؤولية والراحة الجسدية لو هي متعودة عالراحة فبيت اهلها اما الزواج بحد ذاته اذا حلو او لا هذا يعتمد على الزوجين ومدى تفاهمهم مع بعض

بنااااات تكفون بدون هواش العزيبه فيها الجميل والسئ والزواج فيه الجميل والسي يعني كذا كذا مافيه سلامه

الحمدلله لاندمنا ولا شي حياتي احلا مايكون الله بتمها نعمه
بايد الوحدة تخلي حياتهأ حلوه وبأيدها العكس
الزوج طفل كبير سهل تعرفي تكسبيه
الله يهني كل وحده بزوجها :)

ممكن احيانا نندم
بس بالنهاية ان نلاقي سند يسندنا وقت الحاجة وشخص يصرف علينا ويحتوينا افضل مليون مرة من القعده بالبيت والكل يقعد يقول عنج عانس والاب يتحكم فيج والام تتحكم فيج والاخ يتحكم فيج وحتى الاخت الكبيرة تتحكم فيج ومرات عادي حتى العم يتحكم فيج
الزواج حرية للحرمة متنفس صحي تبني احلامها وتكون مسؤلة عن بيت وعيال
ولازم تمر الزوجة بمصاعب ما في شي ناخذه بالساهل كل شي له ثمن
لان الحرمة اذا كبرت مش مثل يوم انها طفله ببيت اهلها

وعليكم السلام ورحمة الله وبركاته

صاحبة الموضوع عذرآ بس انا رأيي من رأي ريح السحاب
اذا انتي تمنيتي تكونين عانس والحسنة الوحيدة ولدك؟
كيف بيجيك الولد لو الإمنية هذي صدق؟
اتمنى تبطلون تهولة زايدة و تحمدون ربكم على النعمة وازني حسنات زوجك و سيئاته و شوفي وين ترجح معك الكفة
والله يصلحك و يوفقك و يرزقك كل ماتتمنين عاجلآ غير آجلآ يارب
و يستر على بنات وشباب المسلمين و يزوجهم لعيال و بنات الحلال يارب ويرزقهم الذرية الصالحة ,,, :26: