السلاام عليكم ورحمة الله وبركاته ..
كيفكم حوائيات
عساكن بخير
الله يديم عليكن ويفرج هم كل وحده مهمومة يارب العالمين
انا بصراحة كتبت هالموضوع لاني بجد مقهورة
شفت موضوع وحسيت بغصه في قلبي عن التواقيع الي فيها طلب الدعاء لهن بالزوج الصالح
وصاحبه الموضوع الي علقت على انها شفاحه
اختي ليش قلتي انها شفاحه
وربي كلمتك هذي تقهرر
والي يده في المويه مو زي الي يده في النار
حسبنا الله ونعم الوكيل
الزواج لاهو عيب ولاحرام
والبنت تطلب الحلال (الزواج+ الدعاء)بالله هذي فيها شي
وشفت كثير من تعليقات الاخوات الي انبسطت منها والله يرزقهن ع قد نيتهن ويوفقهن دنيا واخره
بالله ليش استحي اذا طلبت الدعوة بالزوج الصالح ؟؟
قولولي
هذا شي فطري ربي خلقنا والله اعلم بما خلق
يابنات لاتخجلون
هذي سنة الحياة
وخديجة رضي الله عنها
طلبت الزواج من رسولنا صلى الله عليه وسلم
ليش ماقالوا انها ماتستحي بطلبها
مع انه ماخرج عن حدود الادب رضوان الله عليهم اجمعين
جيتوا تنازعون هالبنات المسيكينات عشان طلبوا دعوة بظهر الغيب
عجبي منكم !!
الزواج استقرار +رحمة +سكينه+ موده
ليش اخالف فطرتي
وادعي ان غير محتاجه وسعيده ببيت اهلي
صح سعيده ببيت اهلي ومبسوطة وماعلي قاصر
بس هذي حاجه في نفسي وفطرة امي وابوي الله يطول بعمرهن مارح يوفرونها
لي مشاعر واحاسيس
ابي استقر وارتاح نفسيا وجسديا
انا اريد الزواج لافرغ فطرتي وحاجتي الجسديه فيها بالله عليكم ليش تستحون من انكم تقولوها
الزواج متعه مشتركه بين شخصين ربي صانها بميثاق غليظ
والله ماستحي واقولها
انتم شايفين الاغراءات والفتن الي حولنا وخاصة بعد الانفتاح القوي بين سكان العالم
الواحد يخاف ع نفسه وكل يوم نقبض ع الجمر ونقول يارب صبرنا ولاتوقعنا بالحرام
كل يوم نقول اللهم اغننا بحلالك عن حرامك
سبحان الله
وبعد كل هذا تقولون شفاحه ومدري ايش ؟؟
اهلي مو دايمين لي والدايم وجه ربي سبحانه
امي امنياتها تطمن ع بناتها وعيالها وتزوجهم ويستقرون
وكل ام بالدنيا واب يتمنون لعيالهم الخير
واليوم اليوم المغرب اختي تقولي ان فيه ام كانت تبكي بحرقه الضاهر اسمها ام عبدالرحمن نهش الفقر منها ومن بناتها وولدها مانهش وساكنين في بيت ايجار وولدها فيه حاله نفسيه تعبت وهي تطلب بيت ملك وعايشة ببيت ايجار وتبكي بكاء مريروهي حرمة مريضة الله يشفيها ويشفي جميع مرضى المسلمين
وتقول والله لو مو خايفه ع بناتي من الشارع والدشير كان خليتهن يشحذن
وكل هذا عشان ماعندهم سند يحميهن ويسترهن
ويصرف عليهن
بالله هالبنات واخوهم بعد عين امهم الله يطول بعمرها من لهم بعد الله سبحانه ؟
هاه الى الحين تقولون ان الزواج مو الحياة الا كل الحياة
الزواج هو سر الحياة
وبعدها
بعد الزواج طبعا
تاتي ع تبعاته ان شاء الله
الذريه وهي حاجه نفسيه
كل وحده فينا تتمنى تكون أم
ومافي احلى طبعا من طعم الامومة بالكون كله
وربي يرزق كل وحده متزوجة بالذريه الصالحة
بعد كل هالشي
تسمونها شفاحه ؟؟!
ولازم الوحده تخجل
الحيا مطلوب بامور كثيرة
بس ليش نخجل من طلب الدعاء بالزوج الصالح
شايفيني نصارخ بالشوراع عشان نستحي
ترا كله منتدى
والبنات حبوا يفضفضون
فماله داعي المكابرة والتطاول ع الغير
كاننا مسوين جريمه
والحمد لله اذا تاخر الزواج او ماحصل لاي بنت او امراءة فهذا قضاء الله وقدره واكيد خيره
كل امر ابن ادم خير
ان اصابته ضراء صبر وان اصابته ضراء شكر
مو معناته نجلس ولاناخذ بالاسباب
بالعكس
يابنات عليكن بالدعاء وبذل الاسباب وربي قريب منكم باذنه
وكل واحد بياخذ نصيبه
وربي في خاطري كلام كثير بس ان شاء الله الي كتبته يكون فيه البركه
الله يرزق جميع بنات المسلمين وشبابها بالازواج الصالحين
ويرزقهم بالذريه الصالحه الي تعينهم وتسندهم
يكفي اذا طلعنا من الحياة
دعوة ولد صالح بعد افتراشنا التراب
بعد كل الكلام الي فوق
يابنات هل معقوله انا ماستحي ومشفوحه ؟؟ :)
احكموا بالعدل
وتذكروا
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
sun07 @sun07
محررة
هذا الموضوع مغلق.
(M!ss.j0j0)
•
:)
حبيبتي الله يرزقك الزوج الصالح اللي مايشوف غيرك
ويعفك ويصونك ويكون سند لك
ويرزقك واياه بالذريه الصالحه المعافاه الباره
ولايهمك كلام البنات
ترى فيه بنآآآآت ماادري شلوووون تنمد يديهم بكتابة هذي الالفاظ
حسبنا الله ونعم الوكيل
ويعفك ويصونك ويكون سند لك
ويرزقك واياه بالذريه الصالحه المعافاه الباره
ولايهمك كلام البنات
ترى فيه بنآآآآت ماادري شلوووون تنمد يديهم بكتابة هذي الالفاظ
حسبنا الله ونعم الوكيل
الصفحة الأخيرة