بنـــــا ت جدة تفضلوا......

نفسي اعرف ليش كل ما سئلت بنات جدة عن شي مايردون !!!!!!

حبيبتى انا من جده ..
بس ما اظن ايكيا عنده ... انا كمان حامل زيك اليوم دخلت السابع .. لكن لسه ما اشتريت سرير للبيبي ولا لحاف

بس انا اعرف ان الاشياء الفخمه مثل مفرش سرير البيبي اللي يكون بيج وفيه دانتيل وكلف .. تفصيل ..

انا ناويه كذا اسوي حتى لحاف المستشفى جدتي قالت لي انها راح تسوي لي هديه ويكون فخم وفيه شرايط وكلف ..

شوفي في شارع التحليه حديقه القصر .. قبل فيفا يسون غرف اطفال لكنها طلبيه وغاليه ..

ريووووووف مشكورة حبيتي على مرورك:26:

miss_world مشكورة حبيبتي على ردك والله يقومك بالسلامة وشكلنا بنولد في شهر واحد ههههههههه انا كمان في السابع وودي اجهز اغراض البيبي من الحين .......بس ودي بطقم لغرفة البيبي يكون فخم وكامل من الى.......
قالولي بلقى في جاكادي والعيسائي بس الي اعرفة ان اسعارهم ناااااار ........ومشكورة على ردك:26:

الله يقومنا بالسلامه ...

يمكن نولد بيوم واحد وفي مستشفى وحده ..:27:

جاكادي في البساتين عنده اشياء حلوه .. وكمان العيسائي
وانا عن نفسي بالنسبه للسرير اول شي راح اشتري اللي زي السله الكبيره ولها رجول
سمعت انها موجوده عند محل العساف في طريق المدينه ... احط البيبي فيه في البدايه ويمكن اشتري السرير الكبير من السواني في البساتين عندهم سرر حلوه للاطفال ...

miss_world تصدقين ماخطر في بالي اروح للسواني بس معقولة عندهم غرف للبيبي يعني سرير ودولاب وشوفنيرة؟؟ ياليت القى عندهم لان لهم فرع في المدينة.......
لاني كمان ناوية اخذ سريرين واحد للاربعين ويكون مثل ماقلتي زي السلة وهذا شفتة عند البيبي شوب في ستي بلازا بس لايكون اخر حبة وتاخذينها هههههههههههههه امزح:p ولقيت محل في مركز الحفني يفصل مفرش لسرير البيبي وسرير الام مع البوكس حق ملابس البيبي وصواني الحلى وكمان مع روب الاستقبال ب2000 ريال......بس ابي اسئل عن شي ارخص لاني اعرف الحفني نصابين....يمكن القاة برا ب1000 ......