بنــــــات حواء ياأغلى بنـــــــات اسمعوا كلامي واتركوا الخلطـــــــــات

الســـــــــلام عليكم ورحمـــــــــة الله وبركـــــــــــاته

خواتــــــــــي الغاليات 000

أكيــــــــد مليتوا من كثر الزيوت والخلطـــــــــات وعلى غير فايــــــــدة صح !!!

بنــــــــات اسمعـــــــــوا تجربتــــــــي وطبقوهـــــــا وبإذن الله بتنحـــــل مشاكل شعركـــم

بس الصبـــــــــــر

ومافي شي بين يوم وليــــــــــلة

أول شي:

اللي عندها تساقط أو فراغات بالشـــــعر لازم أول شي تسوي فحص دم
لأن لو كــــــــان عندج فقر دم أو نقص في الحديد مهما استعملتي من خلـــــطات أو علاجــــــــــــــــــــات مابتفيــــــــدج

أنا سويت فحص دم وطلع عندي فقـــــــر دم ومن هنا وصفتلي الدكتورة حبوب

ثاني شي :
المينيكسوديل فضيع لتكثيف الشعـــــــر بس عيوبه على حد كلام الطبيبة انه لحظة ماتوقفيـــــــــــــــــه يطيح الشعر اللي طلع وانتي لو حملتــــــي لازم توقفيه مايصير تستعمليه وانتي حامل فضروري بيطيح الشعر وعيبه انه ممكن يطلع شعر بالوجه من قوته
قلتلها والحل
وصفتلـــــــــــــــي بخاخ بقولكم اسمه يجي فعلبه وفيها بخاخين واحد للنهار وواحد لليل واسمــــــــــــــــه DUCRAY
لازم تستعملينه لمدة 6 شهـــــــــور وبتشوفين النتيجــــــــه انا من شهرين استعمله وفي شعر صغير بدا يطلع وقالت لي اللي تسشورني في شعر وايد صغير طالع
استعملــــــــوووووه واللي ماعندها صبر مابيفيدها شي لشعرها لأن الشعر بالذات علاجاته لازم لها صبر وبطلوا تلخبطــــــون فخلطاتكم استعملوا علاج واحد بـــــــــــــس

ثالث شي :
وصفتلي انبولات استعملها بعد الحمام مرتين اسبوعيـــــــــــــــن توقف التساقط ورررررررررررررررررررررررررهيبه

رابع شي :
وصفتلي كريم استعمله يوميـــــــن لان شعري جاف وايـــــــد والله يابنات رطبلي شعري وارتحت لهالأدويــــــــــــة وايد PHYTO 7 FOR DRY HAIR

خامس شي :
وصفتلي حبوب لتقوية بصيلات الشعر والله مب مذكره اسمها لانها كانت كورس لمدة شهرين بدور عليها وبكتب اسمها بس تقدرون تستعملون اي حبوب وفيتامينات خاصة للشعر

سادس شي :
وصفتلي شامبو رهيب للشعر اسمهPROVICTIOL

واخيررررررررن اتركوا الخلطات واتجهوا للطب لانه تطور والأطباء ليش ضيعوا سنين من عمرهم في الدراسة مب عشان يفيدونا ويستفيدوووووون
اهم شي جربوا اللي قلتلكم والله بتشوفون الفرق بعد شهرين اوعدكم بس ماابي منكم الى الدعـــــــــــــــــــــــــــــــــــــــاء لي الله يسعدكم

واي ســــــــؤال انا حاظرة