بنــــــات .. ممكن تسمكرون لي بشرتي .. حالتي حاله !

مساء الورود
لأصحاب العطاء الـلامحدود

اهني نفسي على الانظمام لكم اولاً ..

وأول مواضيعي هنا في هالقسم .. لأني اثق انكم بتساعدوني

يابنات .. انا كانت بشرتي زي الفل .. بس بلاكم باللعب اللي خلاها تروح في داهيه .. من زمان وانا كنت اخربط في وجهي مع ان ماكان فيه شي الين صارت تطلع حبوب و و و .. وتعودت على هالموال ..

طبعا انا الآن ماخلصت اختبارات .. جامعتنا راعية طويله ..

ومع السهر والارهاق والحوسه .. وجهي صار اصفر زي الكركم .. هذا غير الحبوب اللي فيها .. شي مو طبيعي .. الحبوب مو كثيره لكن اشوف انها صايره تطلع وبالحسره تروح .. يعني يالله تروح

هذا غير الشعر اللي صاير يطلع على وجهي ! .. واذا شلته بالحلاوه او الخيط .. شوفوا الحبوب .. يصير وجهي حالته حاله مع اني احط بعد الشيل نشا واحيانا ليمون او ماء ورد
لكن تتقشـــــــــــــر وتصير جاااااااااااافة حيل .. يعني احترت .. بشرتي مختلطه ..

بعض المناطق جافه وبعضها دهني هذا غير الحبوب والشعر .. وش اسووي ياربي ..

ابي اي اقنعه طبيعيه .. تنفع للي بشرتهم مختلطه زي حالاتي .. وكيف اشيل الشعر بدون ماتطلع هالحبوب ^_^

والله يجزاكم خير جميعاً .. ^_^