بنـــــــات وش هي افضل وجبات الاطفال من الصيدلية؟؟تكفووون ولدي بدا ياكل..

طيب

ليش ماسالتي

ايش هيا افضل االكللات اللي اسويلو هيا في البيت بنفسي وبنظافتي وبقلبي وخوفي على ولدي من غير مواد حافظة ولاشي

ع العموم

بالنسبة للاكلات الجاهزة ماعندي فيها اي خبرة بلكن البنات يساعدوكي

بس ااذا حابة اكلات انتي تسويها بالبيت

ابشري

قوليلي وراح اديكي وصفات

نعناع حساوي اسمك مشهي على النعناع وعلى التمر
عطيني وصفات بس مغذيه ومضبوطة

الافضل انتي تسوي له الاكل باالبيت :cook: انظف واصح من الاكل الجاهز لانه يخلو من المواد الحافظه :)



اسليقي له خضار طازجه وابشريله تفاح موز او سوي له عصير مشكله ونوعي له كل يوم صنف :21:




الله يصلح لنا والك الذريه



تقبلي مروري و فلسفتي:27:

اكل البيت احسن له و لصحته

طيب ابشري
فوق ال 6 شهور يعني يبدأ في السابع (انا كده بدأت مع ولدي)

طبعا اهم شي الخضار
حصتين في اليوم

بطاطس - كوسة - بازلا - جزر - قرع - بروكولي - زهرة - فاصوليا )

طبعا كلو مقشر

اختاري صنف او اتنين او تلاتة او كللهم

واسلقهم في قدر الضغط عشان ماتضيع فيتاميناتها

واخلطي بالخلاط عشان ينعموا او هرس على راحتك بس البازلاء لازم تنخلط عشان قشرتها صعبه وتوقف في الحلق

احتفظي بالكمية في التلاجة لانها حتتكفي يومين

..

خدي موية الخضار السابقة

واسلقي فيها رز مصري مثلا فنجان قهوة مليان

وبرضو احتفظي فيه في التلاجة لانو الكمية تكفي يومين غدا وعشا

.............

الفواكه مو لازم تسلقيها بس اهم شي تشيلي القشرة والبذور

اخلطي

افوكادو وكمثرى


جوافة وتفاح

بابايا وبرتقال

موز وتفاح اخضر

عنب و موز

موز وتمر مهروس

بطاطا حلوة وسويها بالفرن

المهم اهرسيها بالشوكه خليها سناك

بس ماتحتفظي بالباقي في التلاجه غلط

..........................


خدي 60 مل من حليب الاطفال ودوبي فيها ملعقة صغيرة دخن مطحون ومحمص واتركيهم ع النار لمن يتقل الخليط

اهرسي عليه اي فاكهه

افوكادو او موز او جوافه مع تمرتين

..................


اول ماتقومي اديل للبيبي رضعه من صدرك او صناعي

بعدها بساعه

خدي ملعقة كبيرة رز + 2 ملعقة كبيرة خضار .. سخنيهم ع البخار .. وبالعافية

وبعدها بساعه او نص ساعه شوية عصير طماطم او برتقال

نوووووووووومة


...

سناك

فاكهه مهروسة
او

مهلبية الدخن

او

تمر وبسكويت اطفال (تحطي تمرتين في موية حارة الين تدوب وصفيها ودوبي فيها بسكوته ) وبالعافية

..........

العشا

خضار + شوفان او دخن او رز

...

والسناك انتي تختاريه على مزاجك

بس حاولي تشكيلي قد ماتقدري وتعطيه كل المذاقات

*****************************************************

اذا تعدى ال7شهور ودخل التامن

ابدأي

اسلقي مع الخضار كم حبة بليلة او حمص

شوية عدس

لاتنسي رشة ذرة كمون عشان النفخة

زيدي ع الخضار

طبقة من البصل - وصلة كراث - قطعة كرفس

شوية سبانخ
.................

ابدأي دخلي اللحوم شوية شوية

دجاج - لحم - سمك

مرقة اللحوم من اي نوع

تقدري تاخدي شوية مرقة تفتي فيها حبة من التوست وبالعافيه

..............

اعملي رز مسلوق مع شوية عدس وسبانخ وعصرة برتقال عليهم بعد ماتنتهي من طبخها ولمن تبغي تاكلي ولدك

طبعا تبعدي عن البهارات والملح والسكر والمعلبات والاكل الجاهز

والخضار يفضل تكون طازة وفريش

انا اجيبها كل اسبوع

..

حتى الفاكهه نفس الشي

.................

شوية شوية

دخلي جبنة التوفو بس

..............................

ابعدي عن الحليب البقري بانواعه

زبادي
لبن
حليب المراعي اللطازج او طويل الاجل
الاجبان
زادي - داناو .........الخ باقي الطقم

كللللللها لبعد عمر السنة ونص

موفقه