اليوم ياصبايا بتكلم لكم عن موضوع اتوقع انا غافلين عنه او مو معطينه قد حقهالي هو حق الوالدين وخاص الام من فينا يابنات مهتم في امه ؟
من فينا يراعيها ويعطف عليها؟
الام حاجه حلوه في هالدنيامايقدرها الا الي فاقدها.
..صدقوني يابنات أنتي لما تساعدين امك في اي شي لوكان شي صغير بتشوفي السعاده باينه عليها....مثلا راح اضرب لكم امثله،،لما تاخذين واحد من اخوانك الصغار وتذاكرين له دروسه هذا بر في امك لانك ساعدتيها وطيحتي منها تعب ..او يوم من الايام تقولين انا بسوي الغداء انتي ارتاحي تخيلي شعورها بتدعيلك وبتشكرك والله بتحسين براحه غريبه وسعاده ماتوصف...بنات جد ليش مانصيرقريبين من امهاتنا..بقولكم تجربتي انا يعني ما كنت انسانه قريبه من امي يعني كل عايش في عالمه الخاص بس التفت وقمت افكر انا ويني عن الي ربتني وتعبت علي ليش انا كذا ماافكر الا بنفسي وحياتي ..قلت لازم اتغير،،صرت اشاركها في كل شي اخدمها واساعدها لوفيه اشياء ماابغى اسويها اضغط على نفسي واسويها اقول الي بيرضي امي انا بسويه وش يضرني مقابل اني اكسب الاجر وطاعتها ورضى الله من رضى الوالدين وربي قرن عبادته بطاعتهم المهم اقولكم وش شعوري اذا صرت باره فيها،،،احس الدنيا تنفتح في وجهي واحس اني مبسوطه ومرتاحه...والعكس،،اذا ضايقتها يضيييييييق صدري واأكتئب واحس اني مو متوفقه بشيء حتى الناس يتغرون يصيرون ضدي..وشي ثاني يساعد عالبر ،،،الصحبه الصديقات يايكونون عون او فرعون يعني انا الحمدلله ربي رزقني بصديقات صالحات ثنتين احببببهم
ودايم معي في كل الي يضايقني اذا كلمت الأولى اشكيلها واقول ليش ليش شوفو ردها ...تقولي هذي امك انتبهي تقولين كذا امك امك لوتطلب النجوم جيبيلها اياه،،وهي ماشاء الله بقولكم شيء انا احاول اقلدها في برها تساعد امها في المطبخ..ويعني معها طووووووووول الوقت ماشاء الله..عكسي انا ،،والثانيه امها من النوع الي ماتحب البنت تكلم اواتطول تشوفينها ماشاء الله على طلب امها حتى لو ودها...ان ودها في شي تتركه منشان امها...صدقوني هذا رااااااااح ينفعنا يوم القيامه الوالدين وبس ،،،وعندي لكم طرق تفتحون بها قلوب ماماتكم
*اختاري الاوقات المناسبه للحديث والبوح بما في خــاطرك
*حدثيهابأخبارك اليوميه ؛فان لم تستمع لك اليــــوم فانها بالتأكيدستستمع اليك الايام المقبله.
*نفذي لها ماتطلب حتى لولم تعجبك طلباتها,طالما ان الطلب لم يخرج عن طاعة الله
*اظهري لها الود والطاعه والبر
*ادعي الله دائما ان يوفقك ويهديك الى أقصر طريق للوصول الى قلبها
*ركزي على اهم مفاتيح رضاها لتستخدميه قدر الامكان ؛فقدتكون الكلمه الحلوه اوالقرب البدني أومساعدتها في شؤون المنزل
*تجنبي المواقف التي تزعجها قدر الامكان؛فبدلا من النوم طوال النهار فليكن ربعه,وبدلا من مشاهدة التلفازوقتا طويلا مما يشعرها بالوحده تستطيعين تقليل ذالك واستبدال فارق الوقت في الحديث والحوار معها.
*فاجئيها بسؤالك عن اهتماماتها الخاصه وتقديرها ,ومشاركتك لها فيها ,أو معرفة أحلامها ,أوبعمل لاتتوقعه منك,أوقبله على يديها.
لازم نبدا بدايه جديده وصفحه حلوه خااااااااااااصه مع بداية العام مع ربنا ووالدينا واصدقائناواقاربنا وكل الي حولنا لاااااازم..ونستغل شبابنا وعافيتنا لان احنا الي رابحين اولا واخيراً...نفكر بجديه ونية تغيير ونترك الشيطان والهوى ونتوب عن ذنوبنا وربي يغفر الذنو ب جميعاً(قل ياعبادي اللذين اسرفو على انفسهم لاتقنطو من رحمة الله ان الله يغفر الذنوب جميعاً)..هذا وعد من الله شفتو كيف ربي رحيم وكريم بس احنا الي مقصرين،،،يعني الوحده منا تعزم النيه وتوب والله بقرب الله تحسون بوناسه ونور بالوجه وتوفيق تصلي السنن الرواتب وتقرا قرأن وتبر في والديها وتحمد الله على هالنعمه ..يكفي لهو وبعد عن الله،،نجلس عالنت ساعات طويله ونطلع ونروح ونجي لآهين في دنياناالى متى؟؟,,لازم ننتبه لاااااازم ونتناصح كل واحد ياخذ عاى ييد الثاني ونذكر بعض ونتعاون..نعلم اخوانا الصغار ونثقفهم في الدين،،حتى هذا يعتبر انك تعينين امك على تربية اخوانك ويصير بر فيها فهمتو علي،،،لان الاخوان الكبار لهم جزء من التربيه واخوانهم حيييييل ياخذون منهم ويقلدونهم وهذا عن تجربه واهم شيء الاحتساب يعني الوحده ماتتقول سويت وسويت ولااحد شكرني او قدرني لا لا لا،،،خلي همتك اعلى ونظرتك فوق وارجي الله والدار الاخره ..وقولي ابغى الاجر من ربي مو من احد،،..حتى اذا خدمتي الناس لاتطلبين منهم الاجر لالالا،،،تدرين وش قال الرسول عليه السلام (كل معروف صدقه)(احب الناس الى الله انفعهم للناس)...يااااااه شفتو الاجر كثير بس احنا الي غافلين...وبكره اذا جاء الموت،،موقصدي اروعكم...،،الا الوحده فينا مجمعه حسنات واعمال خير كثيره وهذا والله الي بينفعنا في قبورنا لا لالالا،،،والله ماراح تنفعنا المسلسلات والاغاني والروايات واللبس القصير والعبايه الفاضحه ابداًابداً،،،حلو الواحد يتسلى ويوسع صدره ويمشي مع الموضه والكشخه بس في حدود الشرع،،،يعني سااااااعه لدينك وســــــــاعه لدنياك....,,,وربي هذي هي الحياة
واخيرا ،،،من شان خاطري لالالا والله لكم انتو جربو هالطريقه وشوفو كيف حياتكم راح تتغير،،،حبيت افيدكم في شي ينفعكم ...،،،وارجو ان تكون لي هذه السطور حجة لي لاحجة علي عندما اكون فيي قبري وحيده
تقبلو تحياتي:،،،وشكري